అయిదు నిమిషాల్లో సూపర్ టేస్టీ ఎగ్ బుర్జీ.. సింపుల్‌గా ఎలా చేసుకోవాలంటే?

గుడ్డుతో నానా రకాల రెసిపీస్ చేస్తుంటారు. కేవలం బ్యాచిలర్స్ మాత్రమే కాదు, ఇంటిల్లిపాది కుటుంబ సభ్యులందరూ కలిసి తినే వంటకాల్లో గుడ్డు రెసిపీస్ కూడా ఒకటి. గుడ్డుతో చేసుకుని తినే రెసిపిల్లో ఎగ్ బుర్జీ కూడా ఒకటి. ఇది తినడానికి చాలా రుచికరంగా ఉంటుంది. చేసుకోవడం కూడా చాలా సులభం. కేవలం సులభమైన పద్దతిలో అయిదే అయిదు నిమిషాల్లో దీనిని చేసుకోవచ్చు. కానీ ఎలా చేసుకోవాలో తెలియదు. అందుకే ఈ స్టోరీలో ఎగ్ బుర్జీ ఎలా చేసుకోవాలి? దానికి కావాల్సిన పదార్థాలు ఏంటి? అనేది ఈ స్టోరీలో తెలుసుకుందాం.

ఇలాంటి కోడిగుడ్డు కూర మీరు అసలే తిని ఉండరు, ముద్ద తింటే లాలాజలం ఊరాల్సిందే.. ఎలా చేసుకోవాలంటే

ఎగ్ బుర్జీ తయారీకి కావాల్సిన పదార్థాలు

కోడిగుడ్లు: 2-3
ఉల్లిపాయ: 1 (చిన్నగా తరిగినవి)
పచ్చిమిర్చి: 1-2 (సన్నగా తరిగినవి)
నూనె: 2 టేబుల్ స్పూన్లు
పసుపు: చిటికెడు
కారం: రుచికి తగినంత
ఉప్పు: రుచికి తగినంత
కొత్తిమీర: కొద్దిగా (సన్నగా తరిగినది)

తయారుచేసే విధానం:

1. ముందుగా ఒక గిన్నెలో గుడ్లను పగలగొట్టి, అందులో ఉప్పు, పసుపు, కారం వేసి బాగా కలపాలి.
2. స్టవ్ మీద బాణలి పెట్టి నూనె వేడి చేయాలి.
3. నూనె వేడయ్యాక ఉల్లిపాయ, పచ్చిమిర్చి వేసి బంగారు రంగు వచ్చేవరకు వేయించాలి.
4. తర్వాత కలిపి పెట్టుకున్న గుడ్డు మిశ్రమాన్ని వేసి బాగా కలపాలి.
5. గుడ్డు బాగా ఉడికి, పొడిపొడిగా అయ్యేవరకు కలుపుతూ వేయించాలి.
6. చివరగా కొత్తిమీర వేసి కలపాలి.
7. అంతే వేడి వేడి ఎగ్ బుర్జీ రెడీ.