ఆంధ్రా స్పెషల్.. !! గోంగూర.. వేటమాంసం..!!

Non Veg

oi-Sivanjaneyulu Bommu

By Sivanjaneyulu Bommu

Published: Friday, August 12, 2011, 11:14 [IST]

అసలే వానాకాలం.. ఆ పై చల్లగాలి.. ఈ శీతల వాతావరణంలో వేడి వేడి రుచులను ఆస్వాధిస్తుంటే భలే మజా అనిపిస్తుంది కదండి..!! 'గోంగూరు' ఈ రుచి తెలియని తెలుగు వారు ఉండరు.. ఆంధ్రా గోంగూర వంటకానికి పెట్టింది పేరు.. గోంగూరతో చేసే ప్రతి వంటకం ఘుమ, ఘుమలాడుతూ మంచి రుచిని కలిగి ఉంటుంది. గోంగూరకు వేట మాంసాన్ని జోడిస్తే ఆ రుచే వేరు.. మాంసాహార ప్రియులకు ఈ వంటంకం మరింత రుచిని పంచుతుంది. గోంగూర వేటమాంసం తయారీకి కావల్సిన పదార్థాలు, తయరు చేసే విధానాన్ని ఇప్పుడు చూద్దాం..

కావల్సిన పదర్థాలు :
లేత వేటమాంసం (తాజాది) - అరకిలో .
ఉప్పు - తగినంత.
పసుపు - అర టీ స్పూన్.
వెల్లుల్లి రేకలు - పది అంతుకు మించి.
అల్లం - తగినంత.
నూనె - 3 టీస్పూన్లు అంతకు మించి.
లవంగాలు - 4 అంతకు మించి.
యాలకులు - 4 అంతకు మించి.
దాల్చిన చెక్క - తగినంత.
బే ఆకులు - తగినన్ని.
గోంగూరు - 200 గ్రాములు.
పచ్చిమిర్చి - తగినన్ని.
ఉల్లిపాయ - ఒకటి అంతకు మించి.
కరివే పాకు - తగినంత.

తయారు చేసే విధానం:
- శుభ్రం చేసిన ముటన్ ముక్కలకు, కొద్దిగా అల్లం, వెల్లులి, ఉప్పును జోడించి ప్రెజర్ కుక్కర్ లో ఉడికించాలి.
- మూకుడులో నూనెను పోసి వేడిచేసిన తరువాత అందులో లవంగాలు, యాలకులు, దాల్చినచెక్క, బే ఆకులను వేయాలి, తరువాత అల్లం, వెల్లులి ఫేస్ట్, పచ్చిమిరిపకాయలు, ఉల్లిముక్కలను వేసి వేయించాలి.
- ఆ తరువాత మూకుడులో గోంగూర, కరివేపాక, పుసుపులను వేసి నూనె పైకి తేలేంతవరకు ఉడికించాలి.
- చివర్లో మాంసపు ముక్కలన గోంగూర మిశ్రమంలో కలిపి 5 నుంచి 10 నిమిషాల వరకు ఉడికించాలి. అనంతరం తగినన్ని నీళ్లు పోసి కూర చిక్కబడేదాక స్టవ్ ఆఫ్ చేయకండి.
- వేడి వేడిగా తయారైన 'గోంగూర వేట మాంసం' కూరకు కొత్తిమీర, ఉల్లిపాయలతో అలంకరణ చేసి సర్వ్ చేయండి..!!