అజీర్ణానికి చెక్ పెట్టే 'మెంతి టొమోటో కర్రీ'..!!

Published: Tuesday, August 16, 2011, 17:03 [IST]

కావల్సిన పదార్థాలు :
టొమోటోలు - పావుకేజి.
మెంతికూర - ఒక కప్పు.
కొబ్బరి కోరు - ఒక టీ స్పూన్.
ఉల్లిపాయ - ఒకటి.
కారం - ఒక టీ స్పూన్.
ఉప్పు - తగినంత.
అల్లం, వెల్లులి పేస్ట్ - ఒక టీ స్పూన్.
నూనె - ఇక టీ స్పూన్.
ధనియాల పొడి - ఒక టీ స్పూన్.
కరివేపాకు - మూడు రెబ్బులు.
కొత్తిమీర - తగినంత.
జీలకర్ర, ఆవాలు - ఒక టీ స్పూన్.

తయారీ విధానం :
కళాయిలో నూనె వేడయ్యాక ఆవాలు, జీలకర్ర వేసి చిటపటలాడించాలి. ఉల్లిపాయ ముక్కల్ని వేసి గోధుమరంగు వచ్చేదాక వేయించాలి. అల్లం, వెల్లుల్లి పేస్ట్, కరివేపాకు, పసుపు ఒకదాని తరవాత మరొకటి వేసి అర నిమిషం పాటు వేయించాలి. శుభ్రం చేసిన మెంతికూరను కూడా వేసి, పచ్చి వాసన పోయేంతదాకా వేయించాలి.

తరవాత టోమోటో ముక్కల్ని వేసి కలియబెట్టి 5 నిమిషాల పాటు ఉడికించాలి. అందులోనే కారం, ఉప్పు, ధనియాలపొడి, కొబ్బరికోరు ఒకదాని తరువాత ఒకటి వరుసగా వేసి కలియబెట్టాలి. ఈ మిశ్రమం కాస్త ముద్దగా అయిన తరువాత దించేసి, చివర్లో కొత్తిమీరతో గార్నిష్ చేయాలి. అంతే మెంతి టొమోటో కర్రీ తయార్..! దీన్ని వేడి వేడి అన్నంలోగాని, చపాతీల్లో కలుపుకుని తింటే భలే రుచిగా ఉంటుంది. ఆరోగ్యానికి మంచి చేసి, ఆజీర్ణాన్ని పోగుడుతుంది.

Comments

Story first published: Tuesday, August 16, 2011, 17:03 [IST]

Other articles published on Aug 16, 2011

Latest Updates

Spinach Tomato Curry..!! | మెంతి టొమోటో కూర..!!