లావుగా ఉన్నంత మాత్రాన నిరాశ వద్దు!

ప్రేమ శారీరకం కాదు!

జీవితకాల బంధాల విషయానికి ఒచ్చేసరికి, ప్రేమ పాత్ర తగ్గి, అర్థం చేసుకోవటం పాత్ర పెరుగుతుంది.

ప్రేమ, అనుబంధం అనేవి ఇద్దరు భాగస్వాముల శారీరక రూపాలను దాటి వెళ్తాయి. అందుకని ఈ విషయం తెలుసుకున్న ఇంగితం ఉన్న అబ్బాయి కోసం నిరీక్షించండి. తొందరపడవద్దు!

అతను మీ శరీరాన్ని ఎగతాళి చేస్తుంటే, జీవితాంతం అతనితో కలిసి ఎలా జీవించగలరు?

మీ తినే అలవాట్లు, బరువు వంటి విషయాలని హేళన చేసే అతని వెనక పడితే, జీవితం మొత్తం సంతోషంగా ఎలా ఉంటారు? ప్రసక్తే లేదు! ఇకనైనా కళ్ళు తెరవండి!

బరువు తగ్గాక, అతను మీ విషయంలో మరోదాని గురించి ఎగతాళి చేయవచ్చు! అలాంటి అలవాటున్న వ్యక్తికి ఒక కారణం కాపోతే మరొకటి.

అతనేమన్నా మీకు సాయం చేస్తున్నాడనుకుంటున్నాడా?

సరే, అతను అందంగా ఉన్నాడు, మీ ప్రేమను అంగీకరించి మీకేదో సాయం చేస్తున్నాడనుకుంటున్నాడు. మీకు అది సమ్మతమేనా? లేదు, మీరింత తొందరపడక్కర్లేదు. ఏ బంధమైనా ఎవరికీ దానం చేసేది కాదు. అతనికి మీరు నచ్చితేనే అతను ప్రేమిస్తాడు. లేకపోతే మీ జీవితంలో మీరు ముందుకు సాగండి.

మీరు అందరికీ కనువిందు చేయాల్సిన అవసరం లేదు

ఒక అబ్బాయి మిమ్మల్ని అతని స్నేహితులకు పరిచయం చేయటానికి సిగ్గుపడితే, అది కూడా కేవలం ఆ అధిక కిలోల వలన, అతను ఎదగాలని అర్థం. మీకూ మిమ్మల్ని గర్వంగా అందరికీ చూపే వ్యక్తి దొరుకుతాడు.

మీరు ఎవరితో పోటీపడక్కర్లేదు

ఇతర అందమైన, సన్నగా ఉండే యువతులు మీకు పోటీ కానక్కర్లేదు. మీరు నిరాశలో కూరుకుపోకుండా ఉండాల్సిన మరో కారణం ఇది. ఆ అబ్బాయి మీ వెనక కాకుండా, మరో అమ్మాయిల వెనక తిరుగుతుంటే, మీరు పై పై హంగులు తప్ప ఇంకేం చూడలేని ఆ వ్యక్తిని వదిలించుకోవాలని అర్థం. ఎంత అదృష్టవంతులు మీరు !

జీవితంలో బంధాలు మాత్రమే కాదు ముఖ్యం

మీ జీవితం ఒక అబ్బాయి ఉన్నా, లేకపోయినా అందంగానే ఉండవచ్చు. ఈ బంధాలు అనేవి జీవితంలో ఒక భాగం అంతే. వీటికి మరీ ఎక్కువ వెచ్చించాల్సిన అవసరం లేదు.

మీ బరువు ఎంత ఉన్నా మీ స్థాయి, ఆలోచనలను ఉన్నతంగా ఉంచుకోవచ్చు

మీ విలువ కేవలం శారీరక స్థాయి వద్ద ఆగిపోనక్కర్లేదు. అందుకని, మీకు కావాల్సినవి, అబ్బాయిలో కోరుకునే లక్షణాలు కేవలం మీరు అధిక బరువు పెరిగారనే కారణంతో కిందకి పడిపోనక్కర్లేదు.