అలాంటి మగాళ్లనే మగువలు ఎక్కువగా ఇష్టపడుతున్నారట...!

బూడిద రంగులో..

మీకు మన దక్షిణాది సినిమాల్లో రజనీకాంత్, అజిత్, జగపతిబాబు హెయిర్ ఏ కలర్లో ఉంటుందో మీకు బాగా గుర్తుంది కదా. అచ్చం అలాంటి హెయిర్ నే అమ్మాయిలు ఎక్కువగా ఇష్టపడతారట. ముఖ్యంగా బూడిద రంగులో ఉంటే అమ్మాయిలకు బాగా నచ్చుతుందట.

మరీ పాతగా కనిపించకూడదు..

ఈ ఆన్ లైన్ డేటింగ్ సైట్ నిర్వహించిన సర్వే ప్రకారం, బూడిదరంగు జుట్టు ఉన్న మగవారిని అమ్మాయిలు ఎక్కువగా ఇష్టపడతారు. కానీ వారిలో వయసు పైబడినట్టు మాత్రం కనిపించకూడదట.

హెయిర్ స్టైల్ కూడా..

అయితే బూడిద రంగులో కనిపించే హెయిర్ స్టైల్ కు కూడా అమ్మాయిలు ఎక్కువ ప్రాధాన్యత ఇస్తారట. ఈ సర్వేలో పాల్గొన్న అమ్మాయిల అభిప్రాయం ప్రకారం పురుషులలో బూడిద రంగుతో కొంత తెల్ల రంగు జట్టు ఉన్న వారిని ఇష్టపడతారట.

వారినే ఎందుకు ఇష్టపడతారంటే..

స్కాట్లాండ్ లోని సెయింట్ ఆండ్రూస్ విశ్వవిద్యాలయంలోని ఒక పరిశోధకుడు చేసిన అధ్యయనం ప్రకారం, మహిళలు తమ తండ్రి మాదిరిగానే కనిపించే మగవారి పట్ల ఆకర్షితులు అవ్వుతారంట. ఇదేమీ కొత్త కాదు. వాస్తవానికి ఇది వారి భద్రత యొక్క భావాన్ని పెంచుతుందట. అందుకే అలాంటి రంగు జుట్టు ఉన్న వారిని మహిళలు ఎక్కువగా ఇష్టపడతారట.

పరిపక్వత కోరుకుంటారు..

వయసుతో పాటు వారి భాగస్వాములలో చాలా మంది మహిళలు అవగాహన మరియు పరిపక్వతను కోరుకుంటారని మనందరికీ తెలుసు. చాలా సందర్భాలలో మగవారి జుట్టు ఒక నిర్దిష్ట వయసు వచ్చిన తర్వాత పండిపోవడం అంటే నల్ల రంగు నుండి తెల్లగా లేదా బూడిద రంగులో మారుతూ ఉంటుంది.

సర్వే ఎవరు నిర్వహించారంటే..

ఇంతకీ ఈ సర్వే నిర్వహించిన సంస్థ పేరు ఏంటంటే మ్యాచ్.కామ్. ఇటీవల ఈ ఆన్ లైన్ డేటింగ్ సంస్థ మగాళ్ల జుట్టు రంగుపై నిర్వహించిన సర్వేలో అమ్మాయిలు తమ అభిప్రాయాలను చెప్పారట.

నిశ్చింతంగా ఉండండి..

చూశారు కదా.. మగవారు ఇప్పటి నుండి మీరు జుట్టుకు రంగు వేయడం వంటివి తగ్గించుకోండి. న్యాచురల్ హెయిర్ స్టైల్ నే మెయింటెయిన్ చేయండి. అనవసరపు ఖర్చులను తగ్గించుకోండి.