వాస్తుశాస్త్రం ప్రకారం ఆ వైపునే తిరిగి పడుకోవాలి... ఈ వైపునే తిరిగి నిద్ర లేవాలి...!

కుడివైపున నిద్రించకూడదు..

మనలో చాలా మంది కుడివైపునకు తిరిగి నిద్రపోతుంటారు. అయితే అలా ఎప్పటికీ చేయకూడదట. వాస్తుశాస్త్రం ప్రకారం కుడివైపునకు తిరిగి నిద్రిస్తే మనం తిన్న ఆహారం పూర్తిగా జీర్ణం కాక ముందే జఠకోశం నుండి చిన్నపేగులలోకి బలవంతంగా ప్రవేశించే అవకాశం ఉంది. దీని వల్ల కడుపులో వికారం కలిగే అవకాశం ఉంది.

ఎడమవైపే నిద్రించాలి..

వాస్తు శాస్త్రం ప్రకారం ఎప్పుడైనా సరే ఎడమవైపునకు తిరిగే నిద్రించాలి. ఇలా నిద్రించడం వల్ల శరీరంలోని కొన్ని భాగాలు విశ్రాంతి లేకుండా పని చేస్తాయి. అందులో అతి ముఖ్యమైనది మన గుండె.

నిద్ర లేచేసమయంలో..

అయితే మనం నిద్రలో నుండి లేచేటప్పుడు మాత్రం కుడివైపునకు తిరిగి లేవాలి. ఎందుకంటే ఎడమవైపు తిరిగి పడుకుని ఉంటాం కాబట్టి, ఆ సమయంలో ఎడమవైపు ఉన్న గుండెపై కొంచెం భారం ఎక్కువగా ఉంటుంది. అలాగే లేస్తే గుండె తన శక్తిని కోల్పోయి బలహీనమయ్యే అవకాశం ఉంది. అందుకే కుడివైపునకు తిరిగి నిద్ర లేవాలి.

ఉత్తర దిశలో తలపెట్టొద్దు...

ఈ విషయం చాలా మందికే తెలిసే ఉంటుంది. మన పెద్దలు, పండితులతో పాటు శాస్త్రవేత్తలు కూడా ఈ విషయాన్ని ధ్రువీకరించారు. మనం ఉత్తర దిశలో తల చేసి ఎందుకు నిద్రించకూడదంటే.. భూమిపై ఉండే అయస్కాంత క్షేత్రాల ప్రభావం వల్ల, మన మెదడును ఆ శక్తి ఆకర్షిస్తుందట. దాని వల్ల మన మెదడుపై ఒత్తిడి పెరిగిపోతుంది.

నిద్ర లేస్తూనే ఆందోళన...

ఒకవేళ ఆరోగ్యంగా ఉండేవారు ఇలా చేస్తే పెద్ద ప్రమాదం ఉండదు.. అయితే వారు నిద్ర లేచే సమయంలో చాలా ఆందోళనగా కనిపిస్తారు. అలాగే కొంతమంది ఉత్తరదిక్కున తలపెట్టి నిద్రిస్తే మరణిస్తారని చెబుతుంటారు. అయితే అందులో నిజం లేదు. కానీ ఆ వైపున తలపెట్టి నిద్రించడం వల్ల ప్రమాదం బారిన పడే అవకాశం ఉంటుంది కానీ, చనిపోయే అవకాశం అయితే లేదు.

తూర్పు, ఈశాన్యం..

వాస్తు శాస్త్రం ప్రకారం తూర్పు దిశలో మరియు ఈశాన్యం దిశలో తల పెట్టి పడుకుంటే మంచిగానే ఉంటుంది. పడమర వైపున తల చేసినప్పటికీ ఏమి పర్వాలేదు. ఇక అన్నింటికంటే ఉత్తమం దక్షిణం వైపు తల చేయడం. అందులోనూ మన భారతదేశం ఉత్తరార్థ గోళంలో ఉన్నందున ఉత్తరదిశగా తల చేయకుండా మిగిలిన ఏ మూడు దిశల్లో తల చేయాలని పెద్దలు చెబుతుంటారు.

ఈ దిశలు అనుకూలం..

అంతేకాదండోయ్ ఆరోగ్యానికి, ప్రశాంతమైన నిద్రకు దక్షిణ దిశ చాలా అనుకూలంగా ఉంటుంది. అదే తూర్పు దిశ వైపు తల చేసి నిద్రించడం వల్ల జ్ణాపకశక్తి, ఏకాగ్రత పెరిగి ఆరోగ్యం చాలా బాగుంటుందని, ఈ దిశలో విద్యార్థులకు చాలా సౌకర్యవంతంగా ఉంటుందని వాస్తుశాస్త్రం చెబుతోంది. అదే పడమర దిశలో తల చేసి నిద్రించడం వల్ల మంచి పేరు, ప్రఖ్యాతలు కూడా వస్తాయంట.

దక్షిణార్థ గోళంలో ఉంటే..

ఒకవేళ దక్షిణార్థ గోళంలో మీరు నివసించే ప్రాంతం లేదా దేశం ఉంటే గనుక మీరు దక్షిణ దిశలో ఎట్టి పరిస్థితుల్లో కూడా తల చేయకూడదు. ఎందుకంటే ఆ వైపున అప్పుడు గురుత్వాకర్షణ శక్తి ఉంటుంది కాబట్టి.

రోజంతా చురుగ్గా ఉండేందుకు..

అలాగే మీరు నిద్ర నుండి మేల్కొన్న వెంటనే మీ బాడీ, బ్రెయిన్ యాక్టివ్ కావాలంటే మీరు ఓ పని చేయాలి. మీ రెండు చేతులను గట్టిగా రాపిడి చేయాలి. అప్పుడు కొంచెం వేడిగా అనిపించిన తర్వాత, ఆ చేతులను కళ్లపై ఉంచాలి. ఇలా చేయడం వల్ల చేతి వేళ్ల చివర్లో ఉండే రక్తనాళాలు చురుగ్గా మారతాయి. దీంతో మీ శరీర వ్యవస్థ సాధారణంగా మారుతుంది.