సహజ పద్దతులలో ఒత్తైన మరియు తీరైన కనుబొమ్మలను పొందాలనుకుంటున్నారా? మరెందుకు ఆలస్యం, చదివేయండి.

1. ఆముదం:

ఒత్తైన కనుబొమ్మలను పొందటానికి ఆముదం వాడటం అద్భుతమైన మార్గం.

వాడే పద్ధతి: ఒక కాటన్ ఇయర్ బడ్ ను ఆముదంలో ముంచి కనుబొమ్మలకు రాసుకోవాలి. ముప్పై-నలభై నిమిషాలు ఆరనిచ్చి మెత్తని తడి గుడ్డతో తుడిచేయాలి. ప్రతిరోజు రాసుకుంటే కనుబొమ్మలు దట్టంగా ఎదుగుతాయి.

2. మెంతులు:

మెంతులలో ఉండే లెసిథిన్ కనుబొమ్మల పెరుగుదలను ప్రోత్సహించి, దట్టంగా కనపడేటట్టు చేస్తుంది.

వాడే పద్ధతి: గుప్పెడు మెంతులను ఒక గిన్నెలో ఆరేడు గంటల పాటు నాననివ్వండి. తరువాత వీటిని మెత్తని ముద్దగా రుబ్బండి. ఈ ముద్దను కనుబొమ్మలకు రాసుకుని 20-25 నిమిషాల తరువాత తడి గుడ్డతో తుడిచేయండి. అద్భుతమైన ఫలితాల కొరకు ఇలా వారానికి మూడు- నాలుగు సార్లు చేయండి.

3. కొబ్బరినూనె:

కొన్ని దశాబ్దాలుగా ఆడవాళ్లు కొబ్బరినూనెను తమ కనుబొమ్మల ఎదుగుదలకు వినియోగిస్తున్నారు. ఇది వెంట్రుకను దలసరిగా చేసి పలుచన కావడాన్ని నివారిస్తుంది.

వాడే పద్ధతి: ఒక దూది ఉండను కొబ్బరినూనెలో ముంచి కనుబొమ్మలపై అద్దుకోండి. రాత్రంతా కొబ్బరినూనె తన వంతు పని చేస్తూపోతుంది. పొద్దుట లేచాకా మృదువైన క్లెన్సర్ మరియు గోరు వెచ్చని నీటిని ఉపయోగించి శుభ్రపరచుకోండి. ఇలా ప్రతిరోజూ చేస్తూ ఉంటే కలిగే మార్పును చూసి మీరే ఆశ్చర్యపోతారు.

4. బాదం నూనె:

బాదం నూనె సహజంగానే వెంట్రుకల ఎదగడానికి అవసరమయ్యే లక్షణాలు కలిగి ఉంటుంది. ఇది ఒత్తైన కనుబొమ్మలను పొందటానికి సహకరిస్తుంది.

వాడే పద్ధతి: ఒక కాటన్ ఇయర్ బడ్ ను బాదంనూనెలో ముంచి కనుబొమ్మలకు రాసుకోవాలి. మృదువుగా వెలికొనలతో కనుబొమ్మలను మర్దన చేసుకోండి. ముప్పై నిమిషాల తరువాత గోరువెచ్చని నీటితో శుభ్రపరచుకోండి. ఫలితం త్వరగా పొందాలంటే వారానికి 4-5 సార్లు రాసుకోండి.

5. విటమిన్ ఇ నూనె:

విటమిన్ ఇ నూనె కనుబొమ్మలపై వెంట్రుకల పెరుగుదల త్వరగా జరిగేలా ప్రభావితం చేస్తుంది.

వాడే పద్ధతి: విటమిన్ ఇ క్యాప్సూల్ నుండి మూనెను పిండివేసి, పడుకోబోయే ముందు కనుబొమ్మలకు పూసుకోండి. రాత్రంతా ఉండనిచ్చి తెల్లారి మేకప్ రిమూవర్ తో తొలగించి వేయాలి. తరువాత గోరువెచ్చని నీటితో కడిగేయండి. ఇలా వారానికి అయిదారు సార్లు ఇలా చేస్తే కనుబొమ్మలు ఒత్తుగా ఎదుగుతాయి.

6. కలబంద గుజ్జు:

కలబంద గుజ్జు వెంట్రుకలకు అవసరమైన పోషణను అందించి త్వరగా ఎడగడాన్ని ప్రోత్సహిస్తుంది.

వాడే విధానం: పడుకోబోయే ముందు కలబంద గుజ్జును వెలికొనలతో తీసుకుని కనుబొమ్మలపై మృదువుగా మర్దన చేసుకోండి. రాత్రంతా ఉండనిచ్చి తెల్లవారి నిద్రలేచిన తరువాత గోరువెచ్చని నీటితో శుభ్రపరచుకోండి. ఎప్పుడు వీలైతే అప్పుడు ఇలా చేస్తే ఫలితాలు త్వరగా వస్తాయి.