బట్టతలను ఎఫెక్టివ్ గా నివారించే కర్పూరం హెయిర్ ప్యాక్..!

స్టెప్ 1

రెండు కర్పూరం బిల్లలు తీసుకుని.. రాతితో దంచుతూ మెత్తటి పేస్ట్ చేసుకోవాలి. ఎప్పటికీ.. కర్పూరంను డైరెక్ట్ గా తలపై రాసుకోకూడదు. కొద్దిగా ఆయిల్ లేదా మరేదైనా వస్తువుతో కలిపి మాత్రమే ఉపయోగించాలి.

స్టెప్ 2

సన్నని మంటపై 1 టేబుల్ స్పూన్ ఆలివ్ ఆయిల్, 1 టేబుల్ స్పూన్ కొబ్బరినూనె కలిపి వేడి చేయాలి. ఒక నిమిషం వేడి అయిన తర్వాత.. స్టవ్ ఆఫ్ చేసి.. ఆయిల్ చల్లారనివ్వాలి.

స్టెప్ 3

ఒక గుడ్డులోని తెల్లసొనను ఒక గిన్నెలో తీసుకోవాలి. బాగా కలబెట్టాలి. ఇప్పుడు అందులోకి ఆయిల్, టీస్పూన్ నిమ్మరసం, కర్పూరం పొడి కలపాలి. మంచి సువాసన రావడానికి కొన్ని చుక్కల గ్రేప్ సీడ్ ఆయిల్ మిక్స్ చేయాలి.

స్టెప్ 4

ఫోర్క్ ఉపయోగించి.. అన్నింటినీ బాగా మిక్స్ చేయాలి. ముందు జుట్టు చిక్కులు లేకుండా.. దువ్వుకోవాలి.

స్టెప్ 5

ఇప్పుడు జుట్టుని చిన్న చిన్న పాయలుగా విడదీసి.. ఈ మాస్క్ ని బ్రష్ ఉపయోగించి అప్లై చేయాలి. జుట్టు అంతటికీ, స్కాల్ప్ కి.. పట్టించాలి.

స్టెప్ 6

ఈ మిశ్రమంతో.. స్కాల్ప్ పై చేతివేళ్లతో 5నిమిషాలు.. సున్నితంగా మసాజ్ చేయాలి. తర్వాత జుట్టుని పైకి కట్టుకుని.. షవర్ క్యాప్ పెట్టుకోవాలి. గంటసేపు ఈ మాస్క్ తలపై ఉండాలి.

స్టెప్ 7

గంట తర్వాత.. జుట్టుని రెగ్యులర్ షాంపూ ఉపయోగించి, కండిషనర్ ఉపయోగించి.. శుభ్రం చేసుకోవాలి. ఈ మాస్క్ అప్లై చేయడానికి ముందు మీ చర్మంపై ఎలాంటి ప్రభావం చూపుతుందో కొద్దిగా టెస్ట్ చేసుకోవడం మంచిది.