డయాబెటిస్ ఉన్న మహిళలకు ఎక్కువ రోజులు జీవించేందుకు కెఫిన్ సహాయపడుతుందట..

Diabetes

lekhaka-Ssn Sravanth Guthi

By Ssn Sravanth Guthi

Published: Tuesday, September 19, 2017, 11:17 [IST]

కాఫీ లేదా టీ త్రాగటం వల్ల మీ ఆరోగ్యానికి హానికరమని మీరు ఎల్లప్పుడూ వింటూనే ఉన్నారు. కానీ ఆశ్చర్యకరంగా, కెఫిన్ ఒకరి ఆరోగ్యానికి మంచిది అని ఒక అధ్యయనం ప్రకారం కనుగొనబడింది.

ప్రతిరోజూ టీ (లేదా) కాఫీ తాగుతున్నప్పుడు, డయాబెటిక్ స్త్రీలలో మరణం సంభవించే అవకాశాలను తగ్గిస్తుంది అని కొత్త పరిశోధన ప్రకారం బట్టబయలయ్యింది.

ఈ అధ్యయనంలో పోర్చుగల్ లోని పోర్టో విశ్వవిద్యాలయ పరిశోధకులు, అమెరికాలోని మధుమేహంతో ఉన్న 3,000 మంది స్త్రీ మరియు పురుషులకు - కెఫిన్ ను రెగ్యులర్గా తీసుకోవడం వల్ల వారి మరణాల మధ్య గల వివిధ స్థాయిల మధ్య సంబంధాన్ని పరిశీలించారు.

1999 నుండి 2010 వరకు ఈ అధ్యయనాన్ని చేపట్టారు. ఈ అధ్యయనం కనుగొన్న వాస్తవాల ప్రకారం; రోజుకు 100mg వరకు కాఫీని తీసుకునే, మధుమేహం ఉన్న మహిళలు - కెఫీన్ వినియోగించనివారి కంటే 51 శాతం తక్కువగా చనిపోయే అవకాశం ఉంది.

రోజువారీ కాఫీని 100-200mg లుగా వినియోగించిన డయాబెటిక్ స్త్రీలు - వినియోగించని వారితో పోల్చితే 57 శాతం తక్కువ చనిపోయే అవకాశం కలిగి ఉన్నారని రుజువయ్యింది. అలాగే రోజుకు కాఫీని 200mg కి పైన వినియోగించేవారికి చనిపోయే అవకాశం 66 శాతం ఉందని గుర్తించారు.

మరోవైపు, టీ నుండి మరింత ఎక్కువ కెఫిన్ను తీసుకునే మహిళలను, టీ నుండి 0% కెఫిన్ వినియోగంతో టీ త్రాగే మహిళలతో పోలిస్తే - కెఫిన్ను తీసుకునే మహిళల్లో క్యాన్సర్ ప్రమాదాన్ని 80 శాతం వరకూ తగ్గిస్తుంది.

ఇటీవలి ఈ అధ్యయనాన్ని, 2017 యూరోపియన్ అసోసియేషన్ ఫర్ ది స్టడీ ఆఫ్ డయాబెటిస్ (EASD) లిస్బన్లో నిర్వహించిన వార్షిక సమావేశంలో సమర్పించబడింది.

డయాబెటిక్స్ (షుగర్ వ్యాధి) నుండి తప్పించుకోవటానికి అవసరమైన కొన్ని ఆహారాల పదార్థాలను కూడా పరిశీలించండి.