world sleep day 2020 : మీరు 8 గంటలకు పైగా నిద్రపోతున్నారా? అయితే ఈ ప్రమాదాల గురించి తెలుసుకోండి!

శరీర బరువు పెరుగుతుంది

మీరు 8 గంటలకు మించి నిద్రపోతే మొట్ట మొదటగా శరీరంపై ప్రభావం చూపుతుంది. దాంతో బరువు పెరుగుతారు. అధిక నిద్ర మీ బరువును పెంచుతుంది. చాలా తక్కువ లేదా చాలా ఎక్కువ సేపు నిద్ర పోవడం వల్ల డయాబెటిస్ మరియు ఊబకాయంతో సంబంధం కలిగి ఉంటుంది. లేటుగా నిద్రలేవడం వల్ల ఫిజికల్ యాక్టివిటీస్ చేయడానికి సమయం ఉండదు. దాంతో క్రమంగా బరువు పెరుగుతారు. బరువు పెరిగితే క్రమం ఇతర శరీర సమస్యలు పెరుగుతాయి.

వెన్ను నొప్పి:

ఎక్కువ సేపు బెడ్ పై నిద్రించడం వల్ల బ్యాక్ పెయిన్ వస్తుంది. ఎక్కువ సమయం నిద్రపోవడం వల్ల లేటుగా లేస్తారు. దాంతో వ్యాయామం చేయడానికి సమయం ఉండదు. దాంతో వెన్ను నొప్పిని కలిగి ఉంటుంది.

హృదయ సంబంధ వ్యాధులు

ఎక్కువసేపు నిద్రపోవడం వల్ల స్వల్పకాలంలో మీకు అనారోగ్యం కలుగుతుంది. నిద్రపై చేసిన అధ్యయనంలో ఎక్కువ సమయం నిద్రపోవడం వల్ల హృదయ సంబంధ వ్యాధులకు కారణమవుతుందని మరియు 34 శాతం మరణాలు సంభవిస్తుందని అధ్యయనం ఫలితాలు సూచిస్తున్నాయి. కాబట్టి, నిద్రను 8 గంటలకు మించకుండా తగ్గించండి.

మెదడు సామర్థ్యం తగ్గిపోతుంది

ఎక్కువ నిద్రపోవడం వల్ల మెదడు దెబ్బతింటుంది, మొదడు సామర్థ్యం తగ్గుతుంది. అలాగే మెమరీ సామర్థ్యం కొద్ది కొద్దిగా తగ్గడం ప్రారంభమవుతుంది. అలా జరిగితే తెలివితేటలను కూడా ప్రభావితం చేస్తుందని పరిశోధకులు అంటున్నారు.

తలనొప్పి

8 గంటలకు మించి ఎక్కువ సేపు నిద్రపోయేవారికి ఖచ్చితంగా తలనొప్పి సమస్య ఉంటుంది. ఎక్కువసేపు నిద్రపోవడం వల్ల మెదడుకు సంబంధించిన నాడీ వ్యవస్థను ప్రభావితం చేస్తుంది. దాంతో తలనొప్పి మరియు చాలా సమస్యలను కలిగిస్తుంది.

డయాబెటిస్

8 గంటలకు మించి నిద్రపోయేవారికి డయాబెటిస్ వచ్చే ప్రమాదం ఉందని అధ్యయనాలు చెబుతున్నాయి. ఇది హార్మోన్ల నష్టాన్ని కలిగిస్తుంది. మీరు నిద్రపోతున్నప్పుడు అవయవాలు ప్రమాదకరంగా మారతాయి.

డిప్రెషన్

ఇది మూడ్ డిజార్డర్స్ మరియు నిద్రతో ముడిపడి ఉందని వైద్యులు అంటున్నారు. 8 గంటలకు మించి నిద్రపోవడం వల్ల ఒత్తిడి పెరుగుతుంది. ఇది రకరకాల మానసిక సమస్యలకు దారితీస్తుంది.

నిద్రలేమి:

ఇది కొద్దిగా ఆశ్చర్యం కలిగించే విషయమే. ఎక్కువ సేపు నిద్రపోవడం వల్ల నిద్రలేమి సమస్యకు కూడా దారితీస్తుంది, అనారోగ్యకరమైన అలవాట్లు, పనులు మరియు నిద్రవల్ల నిద్రలేమి బాధిస్తుంది. ఒక రోజు ఎక్కువ సేపు నిద్రమేల్కోవడం వల్ల తర్వాత రోజు ఎక్కువ నిద్రపోవల్సివస్తుంది. దాంతో ఎక్కువ మేల్కొంటారు.

మరణం :

కొన్ని పరిశోధన ప్రకారం, సాధారణంగా 7-8గంటల సేపు నిద్రించే వారితో పోల్చితే 9 గంటలు మరియు దానిపైన ఎక్కువ గంటలు నిద్రించే వారిలో మరణాల రేటు ఎక్కువగా ఉంటుందని సూచిస్తున్నారు. అయితే ఇందుకు ప్రత్యేకమైన కారణం అంటూ లేదంటున్నారు. కానీ, పరిశోధనల్లో డిప్రెషన్ మరియు లో సోషియోఎకనామిక్ స్టేటస్ దీర్ఘసమయ నిద్రకు సంబంధం ఉందని హెచ్చరిస్తున్నారు.