మీరు తినే బియ్యంలో కల్తీ వుందా? సాధారణ బియ్యం లో ప్లాస్టిక్ బియ్యాన్ని ఎలా గుర్తించాలి?

చిట్కా # 1

ఒక గుప్పెడు బియ్యాన్ని తీస్కుని ఒక కంచం లో వేసి దానికి అగ్గి పుల్లతో నిప్పు పెట్టండి. అందులో కనుక ప్లాస్టిక్ బియ్యం ఉంటే, మీకు ప్లాస్టిక్ కాలిన వాసన వస్తుంది! అలాంటి బియ్యం వాడకండి!

చిట్కా # 2

స్టవ్ మీద ఒక గిన్నె పెట్టి అందులో కొంచం ఆయిల్ ని వేడి చేసి అందులో ఒక గుప్పెడు బియ్యాన్ని ఫ్రై చెయ్యండి. అందులో ప్లాస్టిక్ ఉంటే కనుక అది కరిగి గిన్నె కింద ఒక పొరలా ఏర్పడుతుంది!

చిట్కా # 3

ఇది అన్నిటి కన్నా సులభమైన పధ్ధతి. ఒక గుప్పెడు బియ్యాన్ని ఒక గ్లాస్ నీళ్లలో వేసి ఒక స్పూను తో బాగా కలపండి. అదే గనుక ప్లాస్టిక్ బియ్యం అయితే, అది నీటి మీద తేలుతుంది. సాధారణ బియ్యం తేలదు, కింద మునగాలి.

చిట్కా # 4

ఒక గుప్పెడు బియ్యాన్ని ఒక గ్లాస్ నీటి లో ఉడికించండి. అది ఉడికేటప్పుడు పైన తెల్లటి పొరలాగా ఏర్పడితే కనుక అది ప్లాస్టిక్ బియ్యం!

చిట్కా # 5

మీ బియ్యం నకిలీ అని నిర్ధారించడానికి మరొక మార్గం ఇది. ఉడికించిన బియ్యం రెండు రోజుల పాటు అలాగే ఉంచి చూడండి. సాధారణ బియ్యం అయితే కనుక పాచి పట్టి కంపు వస్తుంది. అదే ప్లాస్టిక్ బియ్యం అయితే కనుక ఎన్ని రోజులైనా బూజు పట్టదు!

ఇప్పుడు ఏం చేయాలి?

ఇప్పటి దాకా కనుక మీరు ప్లాస్టిక్ బియ్యాన్ని వాడినట్లైతే ఒక సారి డాక్టర్ ని కలిసి ఆరోగ్య పరీక్షలు చేసుకోవడం మంచిది. ఇక నుంచి, బియ్యం కొనేముందు ఒకటికి రెండు సార్లు ఆలోచించి పరీక్షించి కొనడం మంచిదేమో కదా? కలికాలం; ఏం చేస్తాం?