బఠానీ గింజలతో బఠాణీ-పాలు(పీ-మిల్క్) : డైరీప్రొడక్ట్స్ కు ప్రత్యామ్నాయంగా పనికొస్తాయా?

బఠాణీ పాలు:

బఠాణీ పాలు, పాడి పదార్ధాలకు సంబంధం లేని మొక్క ఆధారిత పసుపు బఠాణీల నుండి వేరు చేసిన ప్రోటీన్ పాలగా ఉంటుంది. పూర్తిగా పాడి పదార్ధాలకు ప్రత్యామ్నాయంగా ఉంటుంది. ఇక ప్రోటీన్లో డైరీ పాలతో సమానంగా ఉంటూ, కాలరీలలో తక్కువగా ఉంటుంది. అంతేకాకుండా, DHA, ఒమేగా -3 ఫాటీయాసిడ్స్, ఐరన్ మరియు విటమిన్ D లను కూడా కలిగివుంటాయి. క్రమంగా మంచి ఆరోగ్యాన్ని, జీవక్రియలను ప్రోత్సహిస్తాయి. ఇది ఒక ఉత్తమమైన మరియు మట్టి రుచిని కలిగి ఉంటుంది. అంతేకాకుండా సిల్కీ, క్రీమీ, మరియు భారీ ఆకృతి లేనిదిగా ఉంటుంది. ఈ పాలలో బఠాణీ రుచి కనిపించకపోవడం ఆశ్చర్యకరం.

బఠాణీ పాల యొక్క ప్రయోజనాలు :

బఠాణీ పాలలో ఆవు పాలతో సమానంగా ప్రోటీన్లను కలిగి ఉంటుంది. క్రమంగా ఇది మంచి శక్తిని అందించేదిగా, మరియు ఎక్కువ సేపు కడుపును నింపి ఉండేలా చూస్తుంది. క్రమంగా ఎక్కువసేపు ఆకలిని దరిచేరకుండా చూస్తుంది.

బఠాణీ పాల యొక్క ప్రయోజనాలు :

ఈ బఠాణీ పాలు పాడి పదార్దాల వలన కలిగే కొన్ని సామాన్యమైన అలెర్జీలకు దూరంగా ఉంటుంది. ఎటువంటి దుష్ప్రభావాలు లేనిదిగా ఎవ్వరైనా అనుసరించగలిగేలా ఉంటుంది. పూర్తిగా పాడి పదార్ధాలకు ప్రత్యామ్నాయంగా మొక్క ఆధారిత గ్లూటేన్ రహిత పదార్ధంగా ఉంటుంది. లాక్టోస్ మరియు లేదా గింజల అలెర్జీ ఉన్న వారు నిస్సంకోచంగా ఈ బఠాణీ పాలకు మారవచ్చు. పైగా ఆరోగ్యకరమైన జీవక్రియలను ప్రోత్సహిస్తుంది.

బఠాణీ పాల యొక్క ప్రయోజనాలు :

మీకు బఠాణీ గింజలు నచ్చకపోయినా అనుసరించవచ్చు. ఎందుకంటే, దీనిలో ఎటువంటి బఠాణీ రుచి, రంగు లేదా వాసన ఉండవు. దీనికి కారణం, ఇందులో పిండి పదార్ధాలను మరియు ఫైబర్ తొలగించి కేవలం ప్రోటీన్తో మాత్రమే ఈ బఠాణీ పాలను చేయడం జరుగుతుంది.

బఠాణీ పాల యొక్క ప్రయోజనాలు :

కొన్ని అధ్యయనాల ప్రకారం, బాదం పాల ఉత్పత్తి సంబంధిత వ్యర్ధాలు కర్భనభరితమై పర్యావరణానికి సైతం హాని కలిగించవచ్చు, బటానీలు, చిక్పీస్ మరియు బీన్స్ వంటి గింజలు మరియు ఇతర పప్పుధాన్యాలు తక్కువ కార్బన్ సమ్మేళనాలను కలిగి ఉంటాయి. ఈ బఠాణీ పాలు, పాడి ఆధారిత పాల కన్నా తక్కువ నీటిని తీసుకుంటాయి. మరియు, వీటి వ్యర్ధాలు మట్టికి తిరిగి పోషకాలను అందించే గుణాలను కలిగి ఉంటాయి.

ఇది పాడి ఆధారిత పాల కన్నా, తక్కువ కేలరీలను కలిగి ఉంటుంది. కాబట్టి మీరు బరువు కోల్పోవాలని భావిస్తున్న ఎడల, మీరు మీ ఆహార ప్రణాళికలో చేర్చదగిన ఉత్తమ పదార్ధంగా ఉండగలదు.

బఠాణీ పాల యొక్క ప్రయోజనాలు :

ప్రతిపాదనలు:

పాడిరహిత ప్రత్యామ్నాయాలు కొంచం ఖరీదు ఎక్కువగా ఉంటాయి.

ప్రోటీన్ మరియు ఒమేగా-3 కొవ్వు ఆమ్లాలకు మంచి వనరుగా ఉన్నప్పటికీ, పాడి ఆధారిత పాలలో ఉన్నన్ని పోషకాలను కలిగి ఉండదు. కానీ పాడి పదార్ధాలతో అలర్జీలు ఉన్నవారికి మాత్రం ఖచ్చితంగా సూచించదగిన ప్రత్యామ్నాయంగా ఉంటుంది అనడంలో ఏమాత్రం ఆశ్చర్యం లేదు.

ఈ పాడిరహిత ప్రత్యామ్నాయానికి మారడానికి ముందుగా, ఒక పౌష్టికాహార నిపుణుని సంప్రదించండం మేలు. క్రమంగా ఒక కొత్త రుచిని ఆస్వాదించండి.