మీకు చూయింగ్ గమ్ నమలడం అలవాటా ? ఐతే బీ అలర్ట్

పంటికి

చూయింగ్ గమ్ ను ఎక్కువగా నమలడం వల్ల పళ్లకు హాని కలుగుతుంది. ఇందులో ఉండే చక్కెర స్థాయిలు దంతక్షయానికి కారణమవుతాయి. ఎసిడిక్ ఫ్లేవర్స్, ప్రిజర్వేటివ్స్ చూయింగ్ గమ్ లో ఉంటాయి. ఇవి పళ్లు కోతకు గురవడానికి కారణమవుతాయి.

తలనొప్పికి

ఎక్కువగా చూయింగ్ నమలడం వల్ల రకరకాల అనారోగ్య సమస్యలు వస్తాయి. నరాలపై నిర్వరామంగా ఒత్తిడి పెరుగుతుంది. దీనికారణంగా తలనొప్పి బాధిస్తుంది. కొన్ని సందర్భాల్లో ఇది మైగ్రేన్ కి దారితీస్తుంది.

గ్యాస్ర్టిక్ ప్రాబ్లమ్స్

చూయింగ్ గమ్ పొట్టలో గాలి చేరడానికి కారణమవుతుంది. దీనివల్ల పొట్ట నొప్పి, పొట్ట ఉబ్బడం, ప్రేగులలో సమస్యలు ఇబ్బందిపెడతాయి. కాబట్టి చూయింగ్ గమ్ నమిలేటప్పుడు నోటిని ఎక్కువగా తెరవకపోవడం మంచిది.

దవడ సమస్యలు

చూయింగ్ గమ్ దవడ సమస్యలకు కారణమవుతుంది. ఎక్కువగా వీటిని నమలడం వల్ల దవడ కండరాలపై ఒత్తిడి పెరిగి.. చెవి, తలనొప్పులకు అవకాశముంది.

ఒబేసిటీ

చూయింగ్ గమ్ కి ఒబేసిటీకి కారణముంది. కొంతమంది ఆకలిని తగ్గించుకోవడానికి చూయింగ్ గమ్ అలవాటు చేసుకుంటారు. కానీ.. వీటిలో ఆకలిని ప్రేరేమించే గుణాలున్నాయని అధ్యయనాలు చెబుతున్నాయి. దీంతో చిప్స్, కోక్, క్యాండీ వంటి స్నాక్స్ తీసుకుంటారు. వీటికి బదులు తాజా పండ్లు, కూరగాయలు తీసుకోవడం వల్ల మంచి ఫలితం ఉంటుంది.

జీర్ణక్రియ

చూయింగ్ గమ్ ఎక్కువగా నమలడం వల్ల జీర్ణవ్యవస్థపై ప్రభావం పడుతుంది. చాలా సమయం వరకు లాలాజలం ఉత్పత్తి నిలిచిపోవడం వల్ల జీర్ణ ప్రక్రియ నిలిచిపోతుంది. దీంతో సమస్యలు పెరుగుతాయి.

గర్భస్థ శిశువుకి

గర్భిణీ స్ర్తీలకు చూయింగ్ గమ్ అనారోగ్యకరం. ఇందులో ఉండే సింథటిక్ ఇంగ్రిడియెంట్స్ కడుపులో పెరుగుతున్న బిడ్డపై ప్రభావం చూపిస్తాయి. చిన్నపిల్లలకు కూడా చూయింగ్ అలవాటు చేయడం మంచిది కాదు.