ఆహా..! లవంగం టీ నరనరానికి ఆరోగ్య శక్తిని అందిస్తుంది..!

దంత ఆరోగ్యానికి :

దంతాల్లో నొప్పి, చిగుళ్లలో వాపు..వంటి సమస్యలకు లవంగం నూనె, లవంగాలు..వంటివి బాగా ఉపయోగపతాయన్న విషయం మనకు తెలిసిందే. అయితే వీటితో పాటు లవంగంతో తయారుచేసిన టీ కూడా ఈ సమస్యల నుంచి తక్షణ ఉపశమనం కలిగిస్తుంది. లవంగం టీని కొద్దిగా నోట్లో పోసుకుని, పుక్కలించి ఉమ్మేయాలి. ఇలా చేయడం వల్ల తర్వగా ఉపశమనం పొందుతారు. యాంటీ ఇన్ఫ్లమేటీర గుణాలు బ్యాక్టీరియాను తొలగించి, చిగుళ్ల వాపును తగ్గిస్తాయి .

జ్వరం:

జ్వరం వచ్చినప్పుడు మందులషాపు నుండి ఏదో ఒక పిల్స్ తెచ్చి మింగ్రే వారు చాల మందే ఉంటారు. వాటి వల్ల సైడ్ ఎఫెక్ట్స్ ఉంటాయి. అందుకు నేచురల్ గా మనమే ఇంట్లో తయారుచేసుకునే లవంగం టీని రోజులో రెండు మూడు సార్లు తక్కువ మోతాదులో తీసుకుంటే జ్వరం నుండి త్వరగా ఉపశమనం పొందవచ్చు. లవంగం టీలో విటిమన్ ఇ, కెలతో పాటు యాంటీ ఇన్ఫ్లమేటరీ గుణాల వల్ల శరీర ఉష్ణోగ్రతను వేగంగా తగ్గిస్తుంది.

వ్యాధినిరోధక శక్తిని పెంచుతుంది:

జలుబు, ఫ్లూ ఉన్నవారు లవంగం టీని రెగ్యులర్ గా తాగడం వల్ల ఫ్లూ, జలుబు నుండి తక్షణ ఉపశమనం పొందుతారు. లవంగం టీలో వ్యాధినిరోక శక్తిని అందించే గుణాలు పుష్కలంగా ఉండటం వల్ల సైనస్ తో బాధపడే వారికి త్వరిత ఉపశమనం కలిగిస్తుంది.

అజీర్తిని తగ్గిస్తుంది:

కొంత మంది ఏం తిన్నా..తిన్నది అరగక ఇబ్బంది పడుతుంటారు. వయస్సుతో పాటు కొన్ని అనారోగ్య సమస్యల కారణంగా అజీర్తి సమస్యలను ఎదుర్కుంటుంటారు. ఇలాంటి వారు భోజనం చేయడానికి ముందు లవంగం టీ తాగడం వల్ల మంచి ఫలితం కనబడుతుంది. లవంగం టీ తాగడం వల్ల శరీరంలో బ్లడ్ సర్క్యులేషన్ మెరుగుపడి, సాల్వియాను ఉత్పత్తి చేస్తుంది. దాంతో తిన్న ఆహారం త్వరగా జీర్ణం అవుతుంది. అలాగే ఎసిడిటి, కడుపు నొప్పి కూడా తగ్గిస్తుంది.

నొప్పులు మాయం చేస్తుంది:

లవంగంతో బాడీ పెయిన్స్ కూడా తగ్గించుకోవచ్చు. అదెలాగంటే లవంగం టీని ఐస్ ట్రేలో నింపి కొద్ది సేపటి తర్వాత లవంగం టీ ఐస్ క్యూబ్స్ లా తయారవుతాయి. వీటిని తీ నొప్పి ఉన్న చోట మర్దన చేయడం వల్ల కండరాల నొప్పులు, వాపులు, కీళ్ల నొప్పులు తగ్గుతాయి.

చర్మ ఆరోగ్యానికి :

వాతావరణంలోని దుమ్ము, ధూళి వల్ల రోజురోజుకీ చర్మ ఆరోగ్యం దెబ్బతింటోంది. ఫలితంగా చర్మంపై దద్దుర్లు, మచ్చలు, కురుపులు, గాయాలు, వంటివి ఏర్పడతాయి. మరి వీటన్నింటి నుంచి బయటపడేసే శక్తి లవంగం టీలోని యాంటీసెప్టిక్ గుణాలకు ఉంది. కాబట్టి సమస్య ఉన్న చోట వీటిని అప్లై చేసి కాసేపు సాప్ట్ గా మర్దన చేస్తే సరి. చర్మంపై ఉండే బ్యాక్టీరియా, ఇతర విషపదార్థాలు వంటివన్నీ బయటకి వెళ్లిపోయి, చర్మం ఆరోగ్యంగా ఉంటుంది.

లవంగం టీ తయారీ:

కావల్సిన పదార్థాలు:

లవంగాలు: 1స్పూన్

నీళ్ళు: ఒక గ్లాసు,

తేనె

తయారుచేయు విధానం:

ముందుగా ఒక పాత్ర తీసుకుని అందులో నీళ్ళు పోసి మరిగించాలి. తర్వాత లవంగాల పొడి వేసి 10 నిముషాలు బాగా మరిగించాలి. స్ట్రాంగ్ గా ఉండాలని కోరుకునే వారు 20 నిముషాలు ఉడికించుకోవాలి. తర్వాత స్టౌ ఆఫ్ చేసి, వడగట్టి , అందులో రుచికి సరిపడా పంచదార లేదా తేనె మిక్స్ చేసి తాగితే సరిపోతుంది. ఇంకా ఇతర ఫ్లేవర్ కోరుకునే వారు, పుదీనా, తులసి వంటి ఆకులను లవంగం పొడి ఉడికించేటప్పుడు వేసుకోవచ్చు. చక్కటి రుచితో పాటు కాస్త ఘాటుగా కూడా ఉండే లవంగం టీ ఆరోగ్యానికి ఎంతో మంచిది.

సూచన :

లవంగం టీ ఆరోగ్యానికి మంచిది కదా అని పదే పదే ఈ టీని తాగడం వల్ల లవంగాలు ఎక్కువగా తినడం వల్ల అలర్జీ ఇతర దుష్ప్రభావాలు తప్పవని అధ్యనాలు హెచ్చరిస్తున్నాయి కొన్ని అధ్యనాలు. అలాగే కిడ్నీ, లివర్ సమస్యలున్నవారి వీటి జోలికి పోకపపోవడమే ఉత్తమం. ముందుగా ఈ టీ మీ శరీరానికి సరిపడుతుందా లేదా ఇది తాగితే ఏదైనా అలర్జీ వస్తుందా గమనించడం ఉత్తమం.