చేతి పై ఉల్లిపాయను రుద్దడం వల్ల పొందే అద్భుతమైన ప్రయోజనాలు..!

ఉల్లిపాయలను తినడంతో ఆరోగ్య సమస్యలు తగ్గడం మాత్రమే కాదు, ఉల్లిపాయను చర్మం మీద రుద్దినా కూడా అద్భుత ఉపయోగాలున్నాయి. చేతి వెనుకవైపున ఉల్లిపాయను రుద్దడం వల్ల జలుబు, చెవినొప్పి, దురద వంటి సమస్యలు తగ్గుతాయి

By Mallikarjuna

Updated: Monday, July 24, 2017, 10:13 [IST]

అనారోగ్యాలను నివారించుకోవడానికి ఎంతో డబ్బు ఖర్చుచేస్తుంటాము. చిన్న చిన్న ఆరోగ్య సమస్యలను ఎటువంటి ఖర్చులేకుండా వంటింట్లో ఉండే వస్తువులతో నయం చేసుకోవచ్చు.

అలాంటి వంటింటి ఔషధ పదార్థాల్లో ఉల్లిపాయ ఒకటి. ప్రతి ఇంట్లో ఉల్లిపాయలుంటాయనడంలో ఎలాంటి సందేహం లేదు . వంటలకు అద్భుతమైన రుచిని ఇస్తాయి. చూడటానికి చిన్నదే అయినా వీటిలో ఉండే ఔషధగుణాలు తెలిస్తే ఆశ్చర్యం కలుగక మానదు.

చేతి పై ఉల్లిపాయను రుద్దడం వల్ల పొందే అద్భుతమైన ప్రయోజనాలు..!

ఉల్లిపాయలను తినడంతో ఆరోగ్య సమస్యలు తగ్గడం మాత్రమే కాదు, ఉల్లిపాయను చర్మం మీద రుద్దినా కూడా అద్భుత ఉపయోగాలున్నాయి. చేతి వెనుకవైపున ఉల్లిపాయను రుద్దడం వల్ల జలుబు, చెవినొప్పి, దురద వంటి సమస్యలు తగ్గుతాయి.

ఉల్లిపాయలో క్యుర్సిటిన్ అనే కంటెంట్ పవర్ ఫుల్ యాంటీఆక్సిడెంట్, ఇది అనేక దీర్ఘకాలిక వ్యాధులను కూడా నివారిస్తుంది. అందువల్ల ఉల్లిపాలను వంటకు ఉపయోగించే ముందు ఒక చిన్న ముక్క పక్కన తీసి పెట్టుకుని, చేతి వెనుకవైపు మరియు ప్రభావిత ప్రాతంలో రుద్దడం మర్చిపోకండి. చేతి వెనుక భాగంలో ఉల్లిపాయను రుద్దడం వల్ల ఎలాంటి ఉపయోగాలున్నాయో తెలుసుకుందాం..

1. కాలినగాయాలను మాన్పుతుంది, మచ్చలను తొలగిస్తుంది:

ఉల్లిపాయలో ఉండే యాంటీ సెప్టిక్ గుణాలు కాలిన గాయాలను నయం చేస్తుంది. మచ్చలను, ఇతర ఇన్ఫెక్షన్ ను నివారిస్తుంది.

2. నొప్పి తగ్గిస్తుంది:

కీటకాలు, దోమలు కుట్టినప్పుడు ఆ ప్రదేశంలో ఉల్లిపాయ రుద్దితే నొప్పి తగ్గుతుంది. ఉల్లిలో ఉండి సల్ఫర్ దురద నుండి ఉపశమనం కలిగిస్తుంది.

3. చెవి నొప్పి తగ్గిస్తుంది:

ఉల్లిపాయను 15నిముషాలు వేడి చేసి, పేస్ట్ చేసి, అందులో రసాన్ని పిండి గోరువెచ్చగా రెండు మూడు చుక్కలు చెవిలో వేసుకుంటే చెవి నొప్పి నుండి ఉపశమనం కలుగుతుంది.

4. ముక్కుదిబ్బడ నుండి ఉపశమనం కలిగిస్తుంది:

ఉల్లిపాయను ముక్కలుగా కట్ చేసి ఒక గిన్నెలో వేసి వాసన చూడాలి లేదా ఆవిరి పట్టినట్లు గాలి పీల్చాలి. ఇలా చేస్తే ముక్కుదిబ్బడ నుండి ఉపశమనం కలుగుతుంది.

5. జలుబు, ఫ్లూ తగ్గిస్తుంది:

జలుబు, దగ్గు నుండి త్వరిత ఉపశమనం పొందడానికి ఇది మంచి మార్గం. ఉల్లిపాయను రెండు ముక్కలుగా కట్ చేసి నిద్రించేముందు తలగడకు దగ్గరగా పెట్టుకుని నిద్రపోతే జలుబు, దగ్గు నుండి ఉపశమనం పొందుతారు.

6. జ్వరం:

నిద్రించే ముందు కాళ్ళకు సాక్సులు వేసుకుని అందులో రెండు ఉల్లిపాయ ముక్కలు కట్ చేసి పెట్టుకోవాలి. ఇవి ఆరోగ్యానికి అద్భుతంగా ఉపయోగపడుతుంది. ఇది రాత్రికి రాత్రి శరీర ఉష్ణోగ్రతను తగ్గిస్తుంది.