ఒత్తిడితో బాధపడుతున్నవారు విశ్వసించకూడని ఐదు అపోహలు

1. "నేము ఒత్తిడితో పోరాడకపోతే,నా బలహీనత బయటపడుతుంది."

చాలాసార్లు, ఒత్తిడితో బాధపడుతున్న వారికి చుట్టుపక్కల వారు, మానసికంగా బలంగా ఉంటూ, ఒత్తిడితో పోరాడమని ఉచిత సలహాలు ఇస్తుంటారు. ఇలా చేయడం వలన బాధితులకు, తాము ఒత్తిడి నుండి బయటపడకపోతే, మానసికంగా బలహీనపడిపోతామనే భావన పెరుగుతుంది. ఒత్తిడి కూడా మధుమేహం, క్యాన్సర్ వంటి ఒక వ్యాధి, దీని నుండి చికిత్స లేకుండ తమకు తాము బయట పడాలనుకోవడం అవివేకం.

2. "నేను ఎప్పటికి ఇలా బాధతో సతమతమవుతూ బతకాల్సిందే"

ఒత్తిడితో బాధపడుతున్న ప్రతి ఒక్కరూ, తాము శాశ్వతంగా, బాధాకరమైన, నిరాశతో కూడిన జీవితం గడపాల్సిందే అని భావిస్తుంటారు, ఎందుకంటే, వారి మెదడులో జరిగే రసాయనిక మార్పులు, వారి ఆలోచనలను ఆ విధంగా ప్రభావితం చేస్తాయి.

కానీ, వారు తెలుసుకోవలసిన విషయం ఏమిటంటే, ఇది కేవలం ఒక మానసిక రుగ్మత. మానసిక వైద్య చికిత్స, జీవనశైలిలో మార్పులు ద్వారా దీనిని నయం కావించుకొని, నిస్సందేహంగా సాధారణ జీవితం గడపవచ్చు. సరైన సహాయం తీసుకుంటే, వారు తిరిగి ఖచ్చితంగా మామూలు మనుషులవుతారు.

3. "నేను ఎవరికీ భారం కాకూడదు"

సాధారణంగా, ఒత్తిడికి లోనైన వారు ఏ కారణం లేకుండానే ఎప్పుడూ ఆందోళన చెందుతూ, ఒంటరితనం తమను వెంటాడుతుందని, తమకు నిరంతరం ఎవరిదైనా సహాయం లేదా తోడు అవసరమని భావిస్తారు.

కానీ , ఎప్పుడూ ఎవరో ఒకరిపై ఆధారపడుతూ ఉంటే, తాము ఎదుటివారి దృష్టికి మరీంత భారంగా కనపడతామనే ఆత్మన్యూన్యతకు లోనవుతారు. దీనితో వారిపై ఒత్తిడి మరీంత పెరుగుతుంది. కానీ, వారు ఇలా భవించవలసిన అవసరం లేదు. వారు ఎవరి సహాయాన్నైనా అర్ధించి, త్వరగా ఈ విషవలయం నుండి బయటపడటానికి ప్రయత్నం చేయాలి.

4. "మందులను వాడితే నా ఆరోగ్యం ఇంకా పాడవుతుంది"

ఇది ఒత్తిడితో బాధపడేవారు బాగా విశ్వసించే మరొక అపోహ. వీరు ఒత్తిడి నుండి బయటపడటానికి ఉపయోగించే మందులు తమ ఆరోగ్యంపై శాశ్వత దుష్ప్రభావం చూపుతాయని నమ్ముతారు.

కనుక, వారు ఆ మందులను తీసుకోకుండా తప్పించుకునే ప్రయత్నం చేస్తారు. దీనివలన వారి పరిస్థితి మరీంత దిగజారుతుంది.కానీ, నిజమేమిటంటే, వైద్యులు ఆరోగ్య పరిస్థితిని గమనిస్తూ, దుష్ప్రభావాలను దూరంగా ఉంచే విధంగా , మందుల మోతాదును ఎప్పటికప్పుడు మారుస్తూ వైద్యాన్ని అందిస్తారు. ఒత్తిడి చికిత్స కోసం వినియోగించే ప్రతి ఒక్క మందు దుష్ప్రభావం కలిగి ఉండదు.

5. "మానసిక వైద్యుని సహాయం కొరకు ఆర్థిస్తే నా ప్రతిష్టకు భంగం కలుగుతుంది"

ఈ రోజుల్లో కూడా, కొంతమంది ఒత్తిడి కూడా క్రుంగబాటు ఉందని ఇతరులకు చెప్పినా, లేదా మనదిక వైద్య సహాయం పొందాలని అనుకున్నట్లయినా, తమ ప్రతిష్టకు భాగం కలుగుతుందని భావిస్తున్నారు. కనుక ఈ విషయాన్ని బయటకు తెలియనివ్వక, తమలోతామే కుమిలిపోతూ, ఆరోగ్య పరిస్థితిని మరీంత దిగజార్చుకుంటారు.

కనుక ప్రతిఒక్కరు గుర్తుపెట్టుకోవలసిన విషయం ఏమిటంటే, ఇతర వ్యాధుల వలే ఒత్తిడి కూడ ఒక వ్యాధి. చికిత్స ద్వారా మాత్రమే దీనిని పరిష్కరించుకోగలము.