మీరు పాటించే ఈ 8 పరిశుభ్రత అలవాట్లు, మీ ఆరోగ్యానికి ప్రమాదకరమైనవి !

1. ఇయర్ బడ్స్ను ఉపయోగించడం :

మనకు తెలిసిన దాని ప్రకారం, చెవులో దాని అంతర్భాగంలో పర్యావరణం ద్వారా సేకరించిన దుమ్మును & మలినాలను వడకట్టడంలో భాగంగా వాక్స్ అనబడే మైనము వంటి పదార్థాన్ని తయారుచేస్తుంది. మనలో చాలామంది ఈ రకమైన మైనపు ముద్దను తొలగించడానికి గానూ ఇయర్ బడ్స్ను ఉపయోగిస్తాము. అయితే, ఇది ఏమాత్రం సురక్షితమైనది కాదు. ఇయర్ బడ్స్ను ఇలా ఉపయోగించడం వల్ల చెవిలోపల భాగంలో గాయాలకు కారణమయ్యే అవకాశాలు ఎక్కువగా ఉన్నాయి. దానికి బదులు నీటితో మీ చెవులను కడుక్కోవడం మంచి ప్రత్యామ్నాయమని చెబుతున్నారు.

2. బబుల్ బాత్ :

మీరు సువాసన భరితమైన బుడగలను కలిగిన స్నానపు తొట్టెలో మీ శరీరం నాని పోయేలా స్నానం చేయడం అనేది ఒక గొప్ప ఆలోచనలా మీకు అనిపించవచ్చు. కానీ మీరు ఇలా చేయడం వల్ల మీ చర్మానికి హాని కలిగించవచ్చు, భవిష్యత్తులో ఎదురయ్యే స్కిన్ అలర్జీలకు, చర్మం పొడిగా మారడం వంటి చర్మ సమస్యలకు కారణం కాగలదు. ఎందుకంటే మీరు స్నానం చేసే ఈ తొట్టెలో బుడగలను ఉత్పత్తి చేసే ద్రవాలు విషపూరితమైన రసాయనాలను కలిగి ఉంటాయి.

3. డచింగ్ :

లిక్విడ్స్ను (లేదా) స్ప్రేలను ఉపయోగించి మహిళలు తమ జననాంగాలను శుభ్రపరచే ఒక అభ్యాసాన్ని "డచింగ్" అని అంటారు. గైనకాలజిస్ట్ అభిప్రాయం ప్రకారం, ఈ లిక్విడ్స్ను & స్ప్రేల్లో ఉండే రసాయనాలు యోనిలో ఉండే సున్నితమైన కణజాలాలకు చాలా హానికరంగా మారి, ఈ అవయవం యొక్క సహజమైన pH స్థాయిని తగ్గిస్తాయి, అలాగే ఆ ప్రాంతంలో దురదలు, మంటలు మొదలైన వంటి సమస్యలు ఏర్పడటానికి కారణమవుతాయి. కాబట్టి ఈ రకమైన అలవాటుకు దూరంగా ఉండటం చాలా మంచిది.

4. సాన్టిటైజర్లను ఎక్కువగా ఉపయోగించడం :

మనలో చాలా మంది ఈ రోజుల్లో, పర్యావరణం నుంచి సంక్రమించబడిన జెర్మ్స్ను వదిలించుకోవడానికి, అలాగే ఎక్కువగా ప్రయాణాలు చేస్తున్నప్పుడు మన చేతులను శుభ్రపరచుకోవడానికి సాన్టిటైజర్ల (లిక్విడ్ హ్యాండ్ వాష్) ను ఉపయోగించే అలవాటును కలిగి ఉంటారు. ఈ అలవాటు ఆరోగ్యకరమైనది అయినప్పటికీ, ఈ అలవాటు అతిగా పాటించడంవల్ల బాక్టీరియా నిరోధకతలో అసమర్థతవంతమైన పనితనాన్ని కలిగి ఉంటుంది. అంతేకాక, ఈ ద్రవ పదార్ధాలలో ఉన్న రసాయనాలు మన నోటి నుంచి శరీరంలోనికి ప్రవేశించినప్పుడు - మన శరీరంలో హార్మోన్ల అసమానతలను కలిగించడానికి దారితీస్తుంది.

5. హ్యాండ్ డ్రైయర్స్ను ఉపయోగించడం :

మనము పనిచేసిన ప్రదేశాలలో, రెస్టారెంట్లలో చేతులు కడుక్కున్న తర్వాత, చేతులను పొడిగా మార్చకోడానికి హ్యాండ్ డ్రైయర్స్ను ఉపయోగిస్తాము. ఈ రకమైన అలవాటు హానికరమైనది ఎందుకంటే, కొన్ని అధ్యయనాలు సూచించిన దాని ప్రకారం; మీ చేతులను ఈ హ్యాండ్ డ్రైయర్స్తో శుభ్రం చేయడం వల్ల పూర్తిస్థాయిలో శుభ్రపరుస్తుంది కానీ బ్యాక్టీరియాను మాత్రం కాదు. ఒక వ్యక్తి చేతిలో ఉన్న బ్యాక్టీరియా గాలిలోకి వ్యాప్తి చెంది, అది మొత్తం అందరినీ ప్రభావితం చేస్తుంది.

6. హాట్ షవర్స్ :

వేడిగా పారే నీటితో ఒక షవర్ క్రింద నిలబడి, స్నానం చేయడం చాలా మంచి అనుభూతిని కలిగించవచ్చు, అలా అక్కడ మీరు ఎక్కువ సమయాన్ని కేటాయించడం వల్ల మీరు చాలా పరిశుభ్రవంతులుగా అయ్యారని భావిస్తారు. ఏదేమైనప్పటికీ, ఈ రకమైన అలవాటు మీ చర్మం నుంచి సహజసిద్ధంగా ఉత్పత్తి చేయబడే శ్లేష్మమును తొలగించడం వల్ల పొడి చర్మం, దద్దుర్లు, అసమాన చర్మపు ప్యాచ్ల వంటివి కారణం కావచ్చు, అందువల్ల ఈ అలవాటు మీ చర్మానికి చాలా హానికరంగా ఉంటుంది. కాబట్టి, మీరు తక్కువ వ్యవధిలో గోరువెచ్చని నీటితో స్నానం చేయడం మంచిది.

7. చేతుల్లోకి తుమ్మటం :

మీరు బహిరంగ ప్రదేశాల్లో పర్యటించినప్పుడు ఆకస్మికంగా వచ్చే తుమ్మును అడ్డుకోవడం కోసం మీ నోటిని & ముక్కును మీ చేతులతో అడ్డుకోవడాన్ని మర్యాదగా భావిస్తారు. అయినప్పటికీ, మీరు తక్షణమే కరెన్సీ నోట్లను, ఆహారాన్ని (లేదా) ఇతరులతో కరచాలనం చేసేటప్పుడు మీ చేతులను శుభ్రం చేయకుండా ఉండటం వల్ల అది బ్యాక్టీరియా విస్తరించడానికి కారణం కావచ్చు. కాబట్టి, తుమ్ములను అడ్డుకునే సమయంలో చేతిరుమాలును ఎల్లప్పుడూ వాడటం చాలా మంచిది.

8. రోజూ తలస్నానం చేయడం :

మనలో చాలామంది, వేసవికాలంలో (లేదా) వ్యాయామం చేసే ప్రతిరోజూ తలస్నానం చేయడం చాలా మంచిదని భావిస్తారు. కానీ అలా చేయడం వల్ల మాడుపై ఉత్పత్తి కాబడి శ్లేష్మము పూర్తిగా నివారించబడి, మీ తలచర్మమును పొడిగా మార్చి నిర్జీవంగా చేస్తుంది. ఇది కూడా మీ జుట్టు పతనానికి కారణం కావచ్చు. కాబట్టి, ఒక వారంలో 3-4 సార్లు తలస్నానం చేయడం మంచిది.