పానిక్ అటాక్ నుంచి బయటపడే సహజ మార్గాలు ఇవే ..!

సంకేతాలను గుర్తించండి :

ఒకవేళ మీరు పానిక్ అటాక్స్ కు గురవుతున్నారని భావిస్తుంటే, మొదటగా, ఈ వ్యాధి సంబంధించిన పూర్తి అవగాహన కలిగి ఉండి, పరిస్థితిని అర్ధం చేసుకునే తత్వాన్ని అలవరచుకునే దిశగా అడుగులు వేయాలి. తర్వాత, ఈ పానిక్ అటాక్స్ సంబంధించిన సంకేతాలపై అవగాహన కలిగి ఉండడం ద్వారా, ఈ పరిస్థితిని సహజ సిద్దంగా తగ్గించే ప్రయత్నం చేయగలరు.

కళ్ళతో వ్యాయామం :

మీరెప్పుడైనా ఈ పానిక్ అటాక్ కు గురైన ఎడల , వెంటనే ఏదైనా నిశ్శబ్దమైన ప్రదేశానికి వెళ్లి, ప్రశాంతంగా నిటారుగా కూర్చుని లేదా పడుకుని మీ కళ్ళను మూసిమూయనట్లుగా కొన్ని నిమిషాలు ఉంచి, నెమ్మదిగా మీ ఆలోచనా విధానాన్ని, క్రమంగా ఆందోళనలను తగ్గించే ప్రయత్నం చేయవచ్చు. ఇలా కళ్ళను మూయడం ద్వారా పానిక్ అటాక్ సంబంధించిన సంకేతాల నుండి ఉపశమనం పొందవచ్చు.

డీప్ బ్రీథ్ లేదా దీర్ఘమైన శ్వాస :

పానిక్ అటాక్స్ గురైన సమయంలో ముఖ్యంగా శ్వాస మీద ప్రభావం పడుతుంది. మామూలుగా కన్నా, ఎక్కువ వేగంతో శ్వాస తీసుకునే అవకాశాలు ఉంటాయి. ఒక్కోసారి శ్వాస ఆడడం కష్టమై గుండె పోటుకు కూడా దారి తీయవచ్చు. కావున ఎక్కడైనా ప్రశాంతంగా కూర్చుని గట్టిగా శ్వాస తీసుకుని, నెమ్మదిగా వదులునట్లుగా ప్రయత్నించడం మూలంగా సమస్యను నెమ్మదిగా దూరం చేయవచ్చు.

ఆలోచనలను నెమ్మదించడం :

పానిక్ అటాక్ కు గురైన పక్షంలో, అనేక ఆలోచనలు కళ్ళ ముందు మెదులుతాయి. లేదా ప్రతికూల ప్రభావిత అంశాల గురించిన ఆలోచనలు ఎక్కువ అవుతాయి. తద్వారా భయాలు అధికమై, ఆందోళనలు పెరగడం జరుగుతుంది. కావున, డీప్ బ్రీథ్ వ్యాయామం ద్వారా నెమ్మదిగా ఆలోచనలు తగ్గించే ప్రయత్నం చేయాలి. తద్వారా ఆందోళనా స్థాయిలు కూడా తగ్గుముఖం పడుతాయి. గట్టిగా గాలి పీల్చి 3,5 సెకన్ల తర్వాత నెమ్మదిగా శ్వాసను వదలడం ద్వారా ఈ వ్యాయామం చేయవలసి ఉంటుంది.

ఏదైనా వస్తువుని తీక్షణంగా చూడడం :

ఇది అనేక సందర్భాలలో పని చేస్తుంది కూడా. పానిక్ అటాక్ కు గురైన క్రమంలో మనిషి ఆలోచనా స్థాయిలు అధికమవడం, ప్రతికూల ప్రభావిత అంశాల గురించిన ఆలోచనలు చేయడం ద్వారా ఆందోళనా సమస్యలు పెరుగుతాయని ఇదివరకే తెలుసుకున్నారు. అలాంటి సందర్భాలలో పూర్తిగా ఆలోచనలు తగ్గుముఖం పట్టే వరకు ఏదైనా ఒక వస్తువుని కానీ, ఫోటోను కానీ తీక్షణంగా చూడడం మంచి ఫలితాలను ఇస్తుంది.

స్ట్రెచ్చింగ్ :

వ్యాయామంలో ఒక భాగంగా స్ట్రెచ్చింగ్ అని మనందరికీ తెలుసు, దీనిని వామప్ గా కూడా పిలుస్తుంటారు. ఈ స్ట్రెచ్చింగ్ వలన కండరాలకు విశ్రాంతి చేకూరుతుంది. పానిక్ అటాక్ సందర్భంలో కండరాలు ఉద్రేకానికి లోనవడం, బిగుసుకోవడం కూడా జరుగుతుంది. కావున కొన్ని చిన్న చిన్న స్ట్రెచ్చింగ్ వ్యాయామాలు చేయడం ద్వారా ఈ పరిస్థితి నుండి వెంటనే బయటపడే వెసులుబాటు ఉంది.

ఊహాజనిత దృశ్యరూపకం :

పానిక్ అటాక్ గురైన నేపధ్యంలో, ఏవైనా సానుకూల అంశాలు, జోక్స్ లేదా ఏవైనా సంఘటనలను గుర్తు చేసుకోవడం ద్వారా ఆందోళన స్థాయిలు తగ్గి మానసిక ప్రశాంతత చేకూరుతుంది. తద్వారా ఈ పానిక్ అటాక్ సంకేతాల నుండి ఉపశమనం లభిస్తుంది.