బరువు తగ్గడానికి క్యారెట్ మరియు ఆరెంజ్ జ్యూస్ డైట్

ఈ సహజసిద్ధ జ్యూస్ డైట్ బరువు తగ్గడానికి ఎలా పనిచేస్తుంది?

క్యారెట్లు మరియు నారింజలలో పుష్కలంగా ఉండే అనామ్లజనకాలు (antioxidants) శరీరంలోని కొవ్వుని పెంచడానికి దోహదపడే విషపూరితాలను( toxins) తొలగించడాన్ని ప్రోత్సహిస్తాయి.

బరువు తగ్గడానికి క్యారెట్లు యొక్క ప్రయోజనాలు చూద్దాం.

క్యారెట్లు పీచుపదార్ధలకు (fiber) అద్భుతమైన మూలం. ఇది బరువు తగ్గడానికి అత్యంత ముఖ్యమైన ఆహార పదార్ధాల్లో ఒకటిగా పేర్కొనబడింది. ఫైబర్ ఉనికి మంచి జీర్ణక్రియకు మరియు శరీరంలోని వ్యర్థాలను తొలగించడానికి దోహదం చేస్తుంది. అదనంగా క్యారెట్లు మీ రుచికలికల (taste buds)ను సంతృప్తిపరుస్తాయి. భోజనం మధ్య అల్పాహారం తీసుకుంటున్నప్పుడు అదనపు కేలరీలను మీ శరీరం శోషించకుండా నిరోధిస్తాయి.

ఈ నారింజ రంగు కూరగాయలు

ఈ నారింజ రంగు కూరగాయలు నిర్విషీకరణ (detoxification)ను ప్రోత్సహిస్తాయి అనగా మందు / వ్యాధి వలన కలుగు విషసంబంధమైన పర్యవసానములను నిష్ఫలము చేయు సాధనలు కలిగి ఉంటాయి. జీర్ణ ఎంజైమ్లను సక్రియం చేయుటకు మరియు మీ శరీర సామర్థ్యాన్ని పెంచి వ్యర్థాలను తొలగించడానికి సహాయపడతాయి. అంతే కాకుండా క్యారెట్లు మీ మూత్రపిండాలను ఉత్తేజ పర్చి మూత్రం ద్వారా అదనపు వ్యర్ధాలను తొలగించడానికి విసర్జిత ప్రేరకముగా ఉపయోగపడుతుంది.

క్యారెట్లు విటమిన్లు, ఖనిజాలు,

క్యారెట్లు విటమిన్లు, ఖనిజాలు, తక్కువ కొవ్వు మరియు కేలరీలను, నీటి కంటెంట్‌ను ఎక్కువగా కలిగి ఉంటాయి. ఇవి శరీరం యొక్క సామర్థ్యాన్ని ప్రోత్సహించి తద్వారా కేలరీలను కరిగించి త్వరగా బరువు తగ్గేలా ప్రేరేపిస్తాయి. క్యారెట్లు విటమిన్ B1, విటమిన్ B2 మరియు విటమిన్ B6 యొక్క గొప్ప మూలాలు. కండరాలు నిర్మించడానికి, జీవక్రియ పెంచడానికి మరియు బరువు తగ్గడానికి శరీరం యొక్క సామర్థ్యాన్ని పెంచే ఈ విటమిన్లు గ్లూకోజ్, కొవ్వులు మరియు ప్రోటీన్లను విచ్ఛిన్నం చేయడానికి అవసరం.

బరువు తగ్గడానికి నారింజల (ఆరెంజ్) యొక్క ప్రయోజనాలు.

ఆరెంజ్ విటమిన్ సి యొక్క ఉత్తమ వనరులలో ఒకటి. మీ రోగనిరోధక వ్యవస్థను పెంచడంలో సహాయపడుతుంది మరియు వివిధ వ్యాధులను నిరోధిస్తుంది. ఈ సిట్రస్ పండ్లు కణాల పునరుత్పత్తికి, మంచి హృదయ ఆరోగ్యం మరియు ఆరోగ్యకరమైన చర్మం కోసం దోహదపడే యాంటీఆక్సిడెంట్లను కూడా కలిగి ఉన్నాయి.

కాబట్టి, నారింజ రసం బరువు తగ్గడానికి మీకు ఎలా సహాయపడుతుంది?

నారింజలు ఆమ్లాలు, అనామ్లజనకాలు మరియు ఫైబర్‌‌ను కలిగి ఉంటాయి. అవి మీ జీవక్రియను వేగవంతం చేస్తాయి. దీని వలన ఎక్కువ కేలరీలు కరిగి బరువు కోల్పోవడంలో మీకు సహాయం చేస్తాయి. నారింజ రసంలో ఉండే ఇతర పోషకాలు ఫాస్పరస్, పొటాషియం, థయామిన్, విటమిన్ B6 మరియు ఫోలేట్.

క్యారెట్ మరియు ఆరెంజ్ జ్యూస్ యొక్క ఇతర ప్రయోజనాలు.

కారెట్ జ్యూస్ రోగనిరోధక శక్తిని మెరుగుపరుస్తుంది, గుండె జబ్బుని నియంత్రిస్తుంది, కొలెస్ట్రాల్‌‌ను తగ్గిస్తుంది, రక్తం గడ్డకట్టడాన్ని నిరోధిస్తుంది, క్యాన్సర్‌‌ను నిరోధిస్తుంది, ఎముక ఆరోగ్యాన్ని మెరుగుపరుస్తుంది, అంటువ్యాధులను నయం చేస్తుంది, కంటి ఆరోగ్యాన్ని కాపాడుతుంది, నోటి ఆరోగ్యాన్ని కాపాడుతుంది, చర్మ ఆరోగ్యాన్ని మెరుగుపరుస్తుంది, మెదడు ఆరోగ్యం మరియు ఆలోచనా పనితీరును కాపాడటంలో సహాయపడుతుంది.

అలాగే, పానీయం లో నారింజ కలిగి ఉండటం వలన రక్తపోటు స్థాయిలను నిర్వహించడానికి, రోగనిరోధక వ్యవస్థను బలోపేతం చేయడానికి, క్యాన్సర్‌‌ను నివారించడానికి, గ్యాస్ట్రిక్ అల్సర్లను నివారించడానికి, మూత్రపిండాల్లో రాళ్ళను నివారించడానికి, గుండెపోటుల ప్రమాదాన్ని తగ్గించడానికి మరియు రక్తహీనత చికిత్స చేయడంలో సహాయపడుతుంది.

మీరు వేసవికాలంలో చాలా ద్రవ పదార్ధాలను త్రాగాలని మీకు తెలుసు, కాని ప్రతిసారీ ఒక గ్లాసు నీరు మీద ఆధారపడటం కొద్దిగా ఇబ్బందిగా అనిపించవచ్చు. కాబట్టి మీ ద్రవ అవసరాలను తీర్చడానికి యాంటీఆక్సిడెంట్-పుష్కల రసాలను తీసుకురండి మరియు మీ రుచి ప్రేరణలకు కొత్త మరియు ఉత్తేజితమైన అనుభూతిని ఇవ్వండి!

మీకు కావాల్సినవి:

2 క్యారెట్లు

1 నారింజ

నిమ్మ (ఆప్షనల్)

అల్లం 1-2 అంగుళాలు (ఒలిచినది)

¼ వ కప్పు నీళ్ళు

తయారీ విధానం:

నీటిలో క్యారెట్లు మరియు నారింజని కడగాలి. క్యారెట్‌‌ను ముక్కలుగా కోసి, నారింజ తొక్కలు తీసి భాగాలుగా విడదీసి రెండూ మిక్సర్‌‌లో వేయాలి. మిక్సర్ లోకి 1/4 వ కప్పు నీటిని పోయాలి. 2-3 చుక్కల నిమ్మ రసాన్ని జోడించాలి. వీటిని బాగా గ్రైండ్ చేయాలి. మీరు ఒక మృదువైన మిశ్రమాన్ని పొందుతారు. ఆ మిశ్రమం నుండి రసం సేకరించేందుకు ఒక సన్నని కాటన్ వస్త్రాన్ని ఉపయోగించండి.

హెచ్చరిక:

మీరు జీర్ణ సమస్యలతో బాధపడుతుంటే క్యారెట్ మరియు నారింజ సమ్మేళనాన్ని విడిచిపెట్టండి ఎందుకంటే ఈ పానీయం మీకు మరింత హీనతను కలిగిస్తుంది. అధిక పరిమాణంలో వీటిని తీసుకుంటే గుండెల్లో మంట, యాసిడ్ రిఫ్లక్స్ అలాగే మూత్రపిండాల సమస్యలను ఎదుర్కోవాల్సి ఉంటుంది.