ఆరెంజ్, పసుపు రంగులో ఉన్న పండ్లను & కూరగాయలను తినడం వల్ల కలిగే ఆరోగ్య ప్రయోజనాలు ?

1. కంటి ఆరోగ్యానికి మెరుగుపరచి, అంధత్వానికి దారితీసే మాక్యులర్ డీజనరేషన్ ప్రమాద తీవ్రతను తగ్గిస్తుంది :-

వెస్ట్-మెడ్ ఇన్స్టిట్యూట్ ఫర్ మెడికల్ రీసెర్చ్లో చేసిన పరిశోధనలో, నారింజ పూర్తిగా విటమిన్-సి తో నిండి ఉంటుందని కనుగొన్నారు. మనము రోజుకు కేవలం ఒక్క నారింజను తినడం వల్ల కంటి చూపును దెబ్బతీసే మాక్యులర్ డీజనరేషన్ వంటి ప్రమాదాల నుండి మీ కళ్ళను కాపాడుకోవచ్చు. వీటిలో ఉన్న విటమిన్-సి మీ కంటి రక్తనాళాలను ఆరోగ్యంగా ఉంచేందుకు దోహదం చేస్తుంది & కంటిశుక్లాలతో పోరాడుతుంది. గుమ్మడికాయ, బొప్పాయి, మామిడి మొదలైన వాటిలో కూడా విటమిన్-సి పుష్కలంగా ఉంటుంది.

క్యారెట్లు, కంటి ఆరోగ్యాన్ని పెంపొందిస్తాయి. వాటిలో ఉండే బీటా-కెరోటిన్ కంటి ఇన్ఫెక్షన్లను & ఇతర తీవ్రమైన ఆరోగ్య పరిస్థితులను నివారించడానికి సహాయపడుతుంది.

2. ప్రోస్టేట్ క్యాన్సర్ను నివారిస్తుంది :-

న్యూజెర్సీ స్టేట్ యూనివర్శిటీ సైంటిస్టుల బృందం, ఒంటరిగా ఉన్న పసుపును - క్యాబేజీ & బ్రోకలీ వంటి కూరగాయలలో ఉన్న ఫైటో-న్యూట్రియంట్తో కలిపి ఉన్నప్పుడు ప్రోస్టేట్ క్యాన్సర్కు సరైన చికిత్సను అందించి, దానిని నివారించడంలో సమర్థవంతంగా పని చేస్తుందని కనుగొన్నారు.

విటమిన్-సి, లూటిన్ & బీటా-కెరోటిన్ వంటి యాంటీఆక్సిడెంట్లను ఎక్కువ మోతాదులో కలిగి ఉన్న చిలకడ దుంపలు, క్యారట్లు, ద్రాక్షపండ్లు & టాన్జేరిన్ల వంటి ఆహారాలను తీసుకోవడం వల్ల మీరు ఆరోగ్యకరమైన ప్రోస్టేట్ను కలిగి ఉంటారు. అకాడెమి ఆఫ్ న్యూట్రిషన్ అండ్ డీటిటిక్స్ ప్రకారం, మామిడి & ఆప్రికాట్స్ వంటి పండ్లలో అధికంగా ఉండే కారోటెనాయిడ్లలో మీలో ఆరోగ్యవంతమైన ప్రోస్టేట్ను పెంచుతాయి.

3. రక్తపోటును తగ్గిస్తుంది :-

అరటి, ఆప్రికాట్లు, నారింజ, పైనాపిల్ & మామిడి వంటి పండ్లలో పొటాషియంలో అధికంగా ఉంటాయి, ఇవి రక్తపోటును తగ్గిస్తాయి. విటమిన్-సి సమృద్ధిగా ఉన్న సిట్రస్ పండ్లు కూడా అధిక రక్తపోటును కలుగచేసే ప్రమాద తీవ్రతను తగ్గించవచ్చని అనేక అధ్యయనాలు సూచిస్తున్నాయి.

4. చెడు కొలెస్ట్రాల్ను తగ్గిస్తుంది :-

అల్లంలో జింజరల్ అనబడే శక్తివంతమైన ఔషధ లక్షణాలను కలిగి ఉంటుంది. ఈ పదార్ధం, ఎంజైమ్లు & సహజ నూనెతో సమృద్ధిగా ఉండడంతో పాటు, శరీరంలో ఉన్న చెడు కొలెస్ట్రాల్ స్థాయిలను తగ్గించడంలో సహాయపడుతుంది.

నారింజలో ఫైటోస్టెరాల్స్ అని పిలువబడే పదార్ధాము, ప్రేగులలో ఉన్న కణాలు చెడు కొలెస్ట్రాల్ను గ్రహించకుండా నిరోధిస్తుంది.

5. ఆస్టియో-ఆర్థరైటిస్ను మీకు దూరంగా ఉంచుతుంది :-

ఎముకల కీళ్ల భాగంలో ఉండే మృదులాస్థి అభివృద్ధి కోసం యాంటీఆక్సిడెంట్స్, విటమిన్-సి వంటివి అవసరమవుతాయి, వీటి లోపం వల్ల ఆస్టియో-ఆర్థరైటిస్కు దారితీస్తుంది. బొప్పాయి, పైనాపిల్, నారింజ, ద్రాక్ష, కర్బూజా, పసుపు వర్ణంలో ఉన్న క్యాప్సికం వంటి పదార్ధాలు విటమిన్-సి తో నిండి ఉంటాయి, ఇది కీళ్ల మధ్య లూబ్రికేషన్ను పెంచి ఆస్టియో-ఆర్థరైటిస్ను నివారిస్తుంది, అలాగే కీళ్ళ వాపులను, కీళ్ళ నొప్పులను తగ్గుముఖం పట్టేలా చేస్తాయి.

6. కొల్లాజెన్ నిర్మాణాన్ని ప్రోత్సహిస్తుంది :-

మానవ శరీరం విటమిన్-సి సహాయంతో చర్మంలో ఉండే కొల్లాజెన్ అనబడే ప్రోటీన్ను ఉత్పత్తి చేస్తుంది. కొల్లాజెన్ చేసే ముఖ్యమైన పని ఏమిటంటే, చర్మ నిర్మాణమునకు స్థిరత్వమును & స్థితిస్థాపకతలను అందిస్తుంది. గుమ్మడిలో విటమిన్-సి & యాంటీ ఆక్సిడెంట్లు పుష్కలంగా ఉంటాయి, ఇవి కొల్లాజెన్ ఉత్పత్తిలో సహాయపడుతుంది తద్వారా మీరు సున్నితమైన, మృదువైన చర్మాన్ని కలిగి ఉంటారు.

కొల్లాజెన్ ఉత్పత్తిలో సహాయపడే ఇతర పండ్లు & కూరగాయలు మొక్కజొన్న, పసుపు రంగులో ఉన్న క్యాప్సికమ్స్, అరటిపండ్లు, మామిడి & నిమ్మకాయలు.

7. ఫ్రీ రాడికల్స్ తో పోరాడుతుంది :-

పసుపు రంగు క్యాప్సికమ్స్, ఆప్రికాట్లు, పీచెస్, ద్రాక్ష, మొక్కజొన్నలు మొదలైన వాటిలో విటమిన్-ఎ, విటమిన్-సి & లైకోపీన్ వంటి శక్తివంతమైన యాంటీ-ఆక్సిడెంట్లు సమృద్ధిగా ఉంటాయి, ఇవి క్యాన్సర్ కణాల పెరుగుదలను అడ్డుకోవడంతో పాటు, రోగనిరోధక వ్యవస్థను పెంచుతాయి. వాడితో పాటు బలహీనపడిన కణాలను & కణజాలాలను తిరిగి చైతన్యవంతంగా మారుస్తాయి.

8. రోగనిరోధక వ్యవస్థను పెంచుతుంది :-

బీటా-కెరోటిన్ వంటి కారోటినాయిడ్లు రోగనిరోధక వ్యవస్థ యొక్క పనితీరులో చాలా ముఖ్యమైనవి. ఈ కారోటినాయిడ్లు, పసుపు & నారింజ రంగులో ఉండే పండ్లు & కూరగాయలలో లభిస్తాయి, ఇవి మీ రోగనిరోధక శక్తిని పెంచడంలో సహాయపడటంతో పాటు, వ్యాధులు వ్యాప్తిని అరికడతాయి.

ఈ బలమైన కూరగాయలు మీ డైట్లో భాగంగా లేకపోతే, మీ రోగనిరోధక వ్యవస్థ బలహీనంగా ఉంటుంది, మీ కంటిచూపు మందగిస్తుంది, మీలో త్వరగా వృద్ధాప్య ఛాయలు బయటపడతాయి. కాబట్టి ఈ ఆరోగ్యవంతమైన ఆహారాలను మీ ఆహార పట్టిక నుంచి ఎందుకు తొలగించడం ? కాబట్టి, వాటన్నింటిని మీ ప్లేట్లో జోడించడం కోసం ఆరోగ్యవంతమైన, సమతుల్యమైన ఆహార ప్రణాళికలను సిద్ధం చేసుకుని, కొనసాగించండి.