కండరాల పటిష్టతకు దోహదపడే 7 ప్రధాన చిట్కాలు

ఇప్పుడు, కండరాల నిర్మాణానికి 7 చిట్కాల గురించిన వివరాలను తెల్సుకుందాం:

మీరు కండరాల ఆరోగ్యకర నిర్మాణానికి తీవ్రంగా పరితపిస్తున్నవారైతే, ఈ వ్యాసం మీకు ఎంతగానో దోహదపడుతుంది. ముఖ్యంగా ఇచ్చట పొందుపరచబడిన చిట్కాలను పరిశీలించండి, తద్వారా మీ కొవ్వును తగ్గించేక్రమంలో మరియు ఆరోగ్యకర కండరనిర్మాణానికి అవకాశాలను పెంచడానికి మీకు మార్గం సుగమం అవుతుంది.

ఆత్రుత వద్దు:

వ్యాయామంలో, సెట్ల మధ్య విశ్రాంతి తీసుకోవడం చాలా ముఖ్యం. కొందరు వ్యాయామాలు చేసే క్రమంలో ఏమాత్రం విశ్రాంతికి చోటివ్వకుండా, వెంటనే ఇతర అంశాల వైపుకు మొగ్గు చూపిస్తుంటారు. సమయానుభావం లేదా ఆత్రుత వలన ఇలాంటి చర్యలకు పాల్పడుతుంటారు. కానీ మీ కండరాల సమూహాలకు రక్తప్రవాహాన్ని పెంచడానికి మీ శరీరానికి కనీస విశ్రాంతి అవసరమవుతుంది. కావున, పెద్ద వ్యాయామాలు చేసే క్రమంలో 2 నిమిషాల కనీస విశ్రాంతి తీసుకోవడం ముఖ్యం. మరియు స్క్వాట్స్ మరియు బైసెప్-కర్ల్స్ వంటి చిన్న వ్యాయామాల కోసం 45-60 సెకన్లు వరకు విశ్రాంతి తీసుకోవచ్చు.

డంబెల్స్ వంటి ఫ్రీ –వెయిట్ ఎక్సర్సైస్ అంతగా లాభాన్ని ఇవ్వకపోవచ్చు:

అవును, ముఖ్యంగా కండరాల ఆరోగ్యకర నిర్మాణాలలో భాగంగా జిమ్ సహాయం తీసుకునే వ్యక్తులు, అక్కడ ఉన్న యంత్రాలను ఆశ్రయించడం మంచిది. ఇక్కడి యంత్రాలు వ్యాయామాన్నిసులభతరం చేయడమే కాకుండా, ఇరుపక్కలా సమాంతరంగా కండరాల నిర్మాణానికి దోహదం చేస్తుంది. డంబెల్స్ వంటివి నిపుణుల సూచనల మేరకు చేస్తూ ఉండాలి. ఎంత కష్టపడ్డాము అన్నది కాకుండా, ఎంత ఫలితాన్ని పొందాము అన్నదే ముఖ్యం.

పెద్ద కండరాల మీదనే మొదటగా దృష్టి సారించాలి:

శరీరంలోని పెద్ద కండరాలను క్రమబద్దీకరించే వ్యాయామాలు ప్రధానంగా మీశరీరానికి సవాలుగా ఉంటాయి. కావున సమయాన్ని అధికంగా పెద్ద కండరాలను నిర్వహించడానికి వినియోగించండి. మిగిలిన సమయం, మిగిలిన అంశాలకు కేటాయించేలా ప్రణాళికలు చేసుకోండి.

కొవ్వు తగ్గించడానికి కాదు ప్రయత్నం చేయాల్సింది:

కొవ్వు తగ్గే ప్రయత్నాలు మీకు సరైన ఫలితాలను ఇవ్వలేవు. రోజులో ఒక 100సిటప్స్ చేసిన కారణంగా కొవ్వు తగ్గుతుంది అనుకోవడం పొరపాటే. మొత్తం శరీరంలోని కొవ్వు లక్ష్యంగా, ఆహారం మరియు వ్యాయామంలో సరైన మార్పులు చేయడం ద్వారానే ఫలితాలను సాధించగలరు. మరియు కొవ్వును తగ్గించే కన్నా, కండర నిర్మాణానికి ప్రయత్నించడం మూలంగా ఎక్కువ ఫలితాలను పొందగలరు.

మీ ప్రతి భోజనంలో ప్రోటీన్ తీసుకోవడం తప్పనిసరి:

మీ లక్ష్యం బరువు కోల్పోవడం లేదా కండరాలని పొందడం అయితే ప్రోటీన్ తీసుకోవడం తప్పనిసరి. మీరు రోజులో కనీసం మీ ఆహారప్రణాళికలో భాగంగా, మీ శరీరంలో ప్రతి కేజీ బరువుకు 1.4-1.8 గ్రాముల ప్రోటీన్ తీసుకోవలసి ఉంటుంది. చేపలు, పౌల్ట్రీ, కాయలు, గుడ్లు, పాడి పదార్ధాలు మొదలైన ప్రోటీన్ ఆహారాల ద్వారా మంచి ఫలితాలను పొందగలరు.

మీ శ్వాసను పట్టి పెట్టకండి:

వ్యాయామంలో ఉచ్వాసనిచ్వాసలు తప్పని సరి. బరువులు ఎత్తే క్రమంలో ఊపిరిని పట్టిపెట్టకుండా, ఊపిరి తీస్తూ వదులుతూ ఉండాలి. ఊపిరిని పట్టిపెట్టడం ద్వారా, వ్యాయామాన్ని అనుకున్న స్థాయిలో చేయలేరు సరికదా, సరైన ఫలితాలను కూడా పొందలేరు.

పడుకునే ముందు తినండి:

మీరు నిద్రిస్తున్నప్పుడు, మీ మెదడుకు ఇంధనంగా ఉండే క్రమంలో, మీ శరీరం, మీ కండరాల నుండి అమైనోఆమ్లాలను సంగ్రహిస్తుంది. కానీ అమైనోఆమ్లాలు మీ కొవ్వును తగ్గించడంలో కీలకపాత్రను పోషిస్తాయి. కావున నెమ్మదిగా జీర్ణమయ్యే ప్రోటీన్లను కలిగిన పీనట్ బట్టర్, లేదా కాటేజ్ చీజ్ లేదా సిఫార్సు చేసిన ప్రోటీన్ పౌడర్ నిద్రించే ముందుగా తీసుకోవడం ద్వారా, శరీర జీవక్రియలు మెరుగయ్యేందుకు దోహదపడుతుంది.

వందల గంటల శ్రమ మరియు ఎన్నో ప్రయత్నాల ఫలితంగా ఒక నిర్దిష్టమైన సమయానికి ఫలితాలను పొందగలుగుతారు. నెమ్మదిగా ప్రారంభించినా చివరికి అసాధారణ శ్రమ కారణంగా ఉత్తమమైన ఫలితాలను పొందగలుగుతారు.