మహిళల శరీరంలో ఐరన్ కొరతను సూచించే 12 సంకేతాలు !

1. అలసట :

మీ శరీరంలో తగినంత ఐరన్ లేని కారణంగా మీరు అధికంగా అలసటను కలిగి, చాలా బలహీనంగా ఉంటారు. శరీరం అవసరమైనంత స్థాయిలో ఎర్ర రక్త కణాలు లేనందువలన - మీ శరీరం యొక్క ఇతర భాగాలకు ప్రాణవాయువు (ఆక్సిజన్) సరిగా సరఫరా కాలేనప్పుడు, అధికమైన అలసటకు లోనై, మీరు తరచుగా విశ్రాంతిని తీసుకోవడానికి ప్రయత్నిస్తూ ఉంటారు.

2. ఆందోళన & ఒత్తిడి :

శరీరంలో తగినంత స్థాయిలో ఐరన్ లేకపోవడం వలన మహిళలు ఆందోళనను మరియు ఒత్తిడిని అనుభవిస్తూ వుంటారు. మన యొక్క మానసిక-స్థితిని అలాగే నిద్రను నియంత్రించడంలో ఐరన్ ఒక ముఖ్యమైన పాత్రను పోషిస్తుంది.

3. కంటి సమస్యలు :

శరీరానికి కావలసినంత ఐరన్ లేకపోవడం వల్ల రక్తహీనతకు దారితీస్తుంది. రక్తహీనతతో బాధపడుతున్నప్పుడు సాధారణంగా మీ కళ్ళు లేత రంగులోకి పాలిపోతాయి. కొన్ని సందర్భాల్లో శరీరంలో అవసరమైనంత ఐరన్ లేకపోవడం వల్ల కంటిలో దురదలు కూడా ఏర్పడతాయి.

4. కాళ్ళు వణకడం :

మీరు హఠాత్తుగా కూర్చునప్పుడు కూడా మీ కాళ్ళలో జలదరింపు (వణకడం) కలగడాన్ని బాగా అనుభూతి చెంది ఉంటారు. శరీరంలో ఐరన్ లోపం ఉన్నప్పుడు ఇది ఏర్పడుతుంది.

5. పగిలిన పెదాలు :

మీ పెదవులు బాగా పగిలినట్లుగా మీరు గమనించిన సమయంలో, మీ నాలుకను ఉపయోగించి మీ పదవులను తడి చేసుకుంటున్నారా ? అయితే మీరు ఐరన్ లోపంతో బాధ పడుతున్నారానేందుకు ఇది ఒక స్పష్టమైన సంకేతమని చెప్పవచ్చు.

6. నాలుక వాపు :

మీరు ఆహారాన్ని నమిలే సమయంలో ఒక వాపు లాంటి సమస్యను కలిగి ఉన్నట్లు మీరు గుర్తించారా? మీ నాలుక ఉబ్బినట్లుగా అన్న మాట. మీ శరీరంలో ఐరన్ కొరత వల్ల మీ నాలుకకు ఈ వాపు అనేది ఏర్పడుతుంది.

7. ఆహారేతర అంశాలపై కోరిక :

రంగులు, మట్టి వంటి ఇతర ఆహారేతర పదార్థాల కోసం మీరు తీవ్రమైన కోరికలను కలిగి ఉన్నట్లయితే, ఇది ఐరన్ లోపం కారణంగా సంభవించిన పరిస్థితులని అనేక అధ్యయనాలు సూచించాయి.

8. పెళుసుల వంటి గోర్లు :

మీరు సాధారణమైన గోర్ల నిర్మాణాన్ని కలిగి ఉండవచ్చు. కానీ మీ శరీరంలో ఐరన్ లోపం ఉన్నప్పుడు మీ చేతి గోర్లు పెళుసుగా మారుతుండటాన్ని గమనించవచ్చు.

9. మూత్రము యొక్క రంగు మారడం :

మీరు మూత్రము యొక్క రంగు ఎరుపు (లేదా) కొద్దిగా నారింజ రంగులో ఉన్నట్లు గమనించినట్లయితే, అప్పుడు మీరు దాన్ని ఖచ్చితంగా పరీక్షించుకోవాలి. ఇది మీ శరీరంలో ఐరన్ కొరత వల్ల ఏర్పడినది కావచ్చు.

10. తరచూ ఇన్ఫెక్షన్స్ రావడం :

తరచుగా మీరు శ్వాస సంబంధమైన సమస్యలను గానీ, ఇన్ఫెక్షన్లను గానీ ఎదుర్కొంటున్నట్లయితే, మీ శరీరంలో ఐరన్ తగినంత స్థాయిలో లేదని తెలిపే ప్రధాన సంకేతమది.

11. కండరాలు బలహీనం:

శరీరంలో ఐరన్ లోపించినప్పుడు మీ గొంతు వద్ద ఉన్న కండరాలు కూడా చాలా బలహీనంగా మారతాయి మరియు మీ గొంతు కండరాలకు మరిన్ని సమస్యలను తెచ్చే ప్రమాదాన్ని కూడా కలిగి ఉంటుంది.

12. శ్వాస అందకపోవడం :

ఐరన్ అనేది హేమోగ్లోబిన్ యొక్క ఉత్పత్తిని పెంచే ముఖ్యమైన అంశాలలో ఒకటి, ఇది శరీరంలో ఉన్న అన్ని అవయవాలకు ఆక్సిజన్ను సరఫరా చేయడంలో సహాయపడుతుంది. ఈ విధంగా కొనసాగే ప్రక్రియలో అవాంతరాలు సంభవించినప్పుడు, మీరు శ్వాసను అందుకోలేని పరిస్థితికి చేరుకుంటారు.