లావాటి పర్సును వెనక జేబులో పెట్టుకుంటున్నారా? వెంటనే ఆ అలవాటు మానుకోండి

ఫ్యాట్ వాలెట్ సిండ్రోమ్ అంటే ఏంటి?

లావుపాటి వాలెట్ వెనక జేబులో పెట్టుకోవడం వల్ల నాడీ కండరాల స్థితి, వాలెట్ తుండి అనగా తొడ వెనక భాగంలో నరాలు, పిరిఫార్మిస్ కండరాలకు కుదించుకుపోతాయి. వాలెట్ పెల్విస్‌లో బరువులో అసమతుల్యత ఏర్పడుతుంది. ఇది దీర్ఘకాలంలో పిరిఫార్మిస్ కండరాలకు ఒత్తిడి కలిగిస్తుంది. అలా సయాటిక్ నరాలు కుదించుకుపోతాయి.

ఫ్యాట్ వాలెట్ సిండ్రోమ్ లక్షణాలు:

• కూర్చోవడం లేదా డ్రైవింగ్ చేసేటప్పుడు నొప్పు
• కాలు మీద సూదులు గుచ్చినట్లుగా నొప్పు
• కాలులో సెన్సేషన్
• పాదంలో తిమ్మిరి
• నడవడంలో ఇబ్బంది



ఫ్యాట్ వాలెట్ సిండ్రోమ్ చికిత్స:

లక్షణాలు మొదలయ్యాక వైద్యులను సంప్రదించాలి. పూర్తి తనిఖీ తర్వాత అసలు కారణం ఏమిటో వైద్యులు తేలుస్తారు. అయితే మీరు లావుపాటి వాలెట్ వాడుతున్నట్లయితే దానిని తొలగించడం నుండి చికిత్స ప్రారంభించాలి. లావాటి వాలెట్ తప్పనిసరిగా వెంటే ఉంచుకోవాల్సి వస్తే మాత్రం ముందు జేబులో, నడుముకు వేలాడదీసుకునే చిన్న పాకెట్‌లో వాలెట్ పెట్టుకోండి.

నొప్పి ఇబ్బంది పెడుతుంటే పెయిన్ కిల్లర్స్ వాడొచ్చు. అయితే పెయిన్ కిల్లర్స్ చాలా మంది వైద్యుల సూచన లేకుండానే వాడుతుంటారు. అలా వాడే వారు వాటిని 2 లేదా 3 రోజుల కంటే ఎక్కువ రోజులు వాడకూడదు. 3 రోజుల దాటినా నొప్పి బాధిస్తుంటే డాక్టర్ ను సంప్రదించాలి.

వాలెట్‌ను వీలైనంత వరకు వాడకపోవడం మంచిది. క్రెడిట్ కార్డుల సంఖ్యను తగ్గించాలి. డెబిట్ కార్డులకు బదులు యూపీఐ, ఆన్‌లైన్ పేమెంట్స్ చేయండి, కాగితాలను ఫోనులో ఫోటో తీసి పెట్టుకోండి. ఇతర వివరాలను ఫోనులో నమోదు చేసుకోండి. దీని వల్ల వాలెట్‌ల ఉపయోగాన్ని చాలా వరకు తగ్గించవచ్చు.



మరిన్ని సూచనలు:

• మీది కూర్చుని చేసే ఉద్యోగం అయితే గంట గంటలకు పైకి లేచి కొద్ది సేపు అటు ఇటూ నడవడం అలవాటు చేసుకోవాలి.
• ఎక్కువ సేపు ఒకే భంగిమలో కూర్చోవద్దు.
• ఎక్కువగా నీరు తాగాలి.
• కూర్చునే సమయంలో వెనక జేబులో ఉండే వాలెట్, కర్చీఫ్ లాంటివి తీసేసి కూర్చోవాలి.
• కూర్చునే చేసే వ్యాయామాలు సాధన చేయాలి.
• క్రమం తప్పకుండా వ్యాయామం చేయాలి.
• మంచి ఆహారపు అలవాట్లు చేసుకోవాలి.