Yoga For Immunity: ఈ యోగాసనాలతో ఇమ్యూనిటీ పెరిగి ఏ రోగాన్నైనా ఎదుర్కోవచ్చు

బాలాసనం

బాలాసనం ద్వారా చేకూరే ప్రయోజనాలు చాలా ఉన్నాయి. బాలాసనం సాధన చేయడం ద్వారా బ్యాక్ పెయిన్ తగ్గుతుంది. ఈ ఆసనం ఒత్తిడి, అలసటను కూడా తగ్గిస్తుంది. మానసిక ఉల్లాసాన్ని కలిగిస్తుంది. మరీ ముఖ్యం రోగనిరోధక శక్తిని మెరుగుపరచడంలో ఎంతో బాగా ఉపయోగపడుతుంది.

ఎలా చేయాలి:

* ఫ్లోర్ మీద లేదా బెడ్ మీద కూర్చొని, హిప్ బ్యాక్ పొజిషన్ లో ఫోటోలో చూపిన విధంగా కూర్చోవాలి.

* తర్వాత రెండు చేతులను ముందుకు పూర్తిగా చాపాలి. శరీరం పూర్తిగా విశ్రాంతి తీసుకోనివ్వాలి.

* శ్వాస మీద ఏకాగ్రత పెట్టి, శరీరం, మనస్సు ఫ్రీ చేసుకోవాలి.

* ఈ భంగిమను కొన్ని నిముషాలపాటు చేయాలి.

ధనురాసనం

ధనురాసనం సాధనం చేయడం ద్వారా శరీరంలో రక్త ప్రసరణ మెరుగుపడుతుంది. ఇది రోగ నిరోధక శక్తిని పెంచడానికి సహాయపడుతుంది. ఈ వ్యాయామం జీర్ణ వ్యవస్థనూ మెరుగుపరుస్తుంది. దీని వల్ల ఆహారం సులభంగా జీర్ణం అవుతుంది. మలబద్దకం సమస్యల రాదు.

ఎలా చేయాలి:

* మొదట బోర్లా పడుకోవాలి. తర్వాత కాళ్లను వెనక్కి మడవాలి.

నమీ చేతులతో ఫుట్ జాయింట్ పట్టుకోండి.

* కాళ్ళను గట్టిగా వెనక్కి లాగి, ఉదరం మాత్రమే నేలమీద పడేలా వాటిని పెంచండి.

* మీ కళ్ళు పైకిలేపి ఉంచండి. మీ శరీరం విల్లులా కనిపిస్తుంది.

* ఈ ఆసనం మీ వెన్నెముకను కూడా బలపరుస్తుంది. పునరుత్పత్తి అవయవాలను నిర్వహిస్తుంది. రుతు నొప్పికి కూడా ఇది చాలా ఉపయోగపడుతుంది.

భుజంగాసనం

భుజంగాసనం ఊపిరితిత్తులను తెరుస్తుంది. అలాగే వెన్నెముకను బలపరుస్తుంది. ఈ ఆసనం ద్వారా జీర్ణ క్రియ మెరుగుపడుతుంది. కాలేయంపై ఒత్తిడి తగ్గించడానికి సహాయపడుతుంది. తద్వారా రోగనిరోధక శక్తి బలోపేతం అవుతుంది.

ఎలా చేయాలి:

* ముందుగా నేలమీద లేదంటే ఫ్లోర్ మీద క్లాత్ లేదంటే మ్యాట్ వేసుకోవాలి.

* దానిపై బోర్ల పడుకుని మీ గడ్డం నేలకు తాకేలా ఉంచండి. * తర్వాత మీ ఛాతీకి కాస్త పక్కకు మీ అరచేతుల్ని చాచండి.

* ఇక మీ మోచేతులు పైకి ఉండాలి.

* అలాగే మీ పాదాలు ఒక దాన్ని మరొకటి తాకుతూ ఉండాలి. తర్వాత మీరు నెమ్మదిగా శ్వాస తీసుకోవాలి.

* ఆ సమయంలో మీ బరువు మొత్తాన్ని కూడా అరచేతులపై ఉంచి అరచేతుల సహాయంతో మీ బాడీని పైకి లేపాలి.

* మీ తలను పైకి ఎత్తాలి. మెడ, ముఖంపైకి ఉండేలా చూసుకోవాలి.

పశ్చిమొత్తనాసనం

పశ్చిమొత్తనాసనం లేదా ఫార్వర్డ్ బెండ్ భంగిమ వల్ల జీర్ణ క్రియ మెరుగుపడుతుంది. నాసికీ రద్దీ నుండి ఉపశమనాన్ని అందిస్తుంది. అలాగే ఒత్తిడిని, ఆందోళనను తగ్గిస్తుంది. ఇది ప్రశాంతతను చేకూరుస్తుంది. ఈ ఆసనం సాధన చేయడం ద్వారా ఇమ్యూనిటీ మెరుగుపడుతుంది. ఈ యోగా భంగిమ ఉదరంలో పేరుకొన్న కొవ్వును తగ్గిస్తుంది. మరియు వెన్ను నొప్పిని తగ్గిస్తుంది.

ఎలా చేయాలి:

* చక్కగా పడుకుని రెండు పాదాలు దగ్గరగా ఉంచి రెండు చేతులు తలపైకి లేపి నేలకానించి గాలి పీలుస్తూ లేచి కుర్చుని గాలి వదులుతూ ముందుకు వంగాలి.

* తల మోకాళ్ళ వైపు, చేతులు పాదాల వైపు పోనిచ్చి వాటిని అన్చాడానికి ప్రయత్నిచాలి.

* ప్రారంభంలో తల మోకాళ్ళకు తగలకపోవచ్చు, చేతులు పాదాలకు అందకపోవచ్చు, కాని రోజు సాదన వల్ల సాధ్యమవుతుంది.

* తిరిగి పడుకుని మళ్ళీ మళీళి లేస్తూ ఈ ఆసనం చేయాలి. * కనీసం 5 నుండి 20 సార్లు చేయాలి.

శవాసనం

శవాసనం చాలా సులభమైన అలాగే విశ్రాంతిని ఇచ్చే ఆసనం. ఈ భంగిమలో శ్వాస చక్కగా తీసుకోవడానికి వీలు ఉంటుంది. అలాగే మనస్సును ప్రశాంతంగా ఉంచుంది.

ఎలా చేయాలి:

* చేతులు, కాళ్లు చాపి వీపుపై హాయిగా పడుకోవాలి.

* కళ్లు మూసుకుని, ముక్కు ద్వారా నెమ్మదిగా గాలి పీల్చుకోవాలి.

* ఈ భంగిమలో 10 నిమిషాల పాటు ఉండాలి.