Click it and Unblock the Notifications
Just In
-
-
-
-
త్రీడీ ప్రింటెడ్ రోబోతో ప్రేమ.. వీలైతే పెళ్లి!
మనుషులు రోబోలను వివాహాలు చేసుకునే రోజులు చాలా దగ్గర్లోనే ఉన్నాయంట. 2050 నాటికి ఇలాంటి వివాహాలు సర్వసాధారణం అవుతాయని ప్రముఖ ఆర్టిఫీషియల్ ఇంటిలిజెన్స్ నిపుణుడు డేవిడ్ లెవీ తెలిపారు. అయితే ఒక ఫ్రెంచ్ మహిళ రోబోతో సహజీవనం చేస్తున్నట్లు ఆ మధ్య బాహాటంగానే ప్రకటించింది.
లిల్లీ అనే ఓ ఫ్రెంచ్ మహిళ ఏడాదికి పైగా త్రీడీ ప్రింటెడ్ ఇన్‌మూవేటర్‌ అనే రోబోతో సహజీవనం చేస్తున్నట్లు ఆమె తన ట్విటర్‌లో వెల్లడించింది. రోబో సెక్సువల్‌ అని చెప్పుకోవడం తనకెంతో గర్వంగా ఉందని అభిప్రాయపడింది.
అయితే తాము ఎవరినీ ఇబ్బందిపెట్టడం లేదని, తామిద్దరమూ ఎంతో సంతోషంగా ఉన్నామని పేర్కొంది.
అంతేకాదండోయ్‌ ఫ్రాన్స్‌లో మనిషి-రోబోల వివాహం ఎప్పడు చట్టబద్ధం అవుతుందోనని ఎదురు చూస్తున్నట్లు తను తెలిపింది. అలా చట్టం వస్తే వెంటనే తాను త్రీడీ ప్రింటెడ్ ఇన్‌మూవేటర్‌ను పెళ్లి చేసుకునేందుకు సిద్ధంగా ఉన్నానంది.
మనుషులతో సెక్స్ నచ్చదు ఇక మనుషులతో సెక్స్ అంటే తనకు అస్సలు నచ్చదంది. ఈ విషయం తనకు 19 ఏళ్ల ప్రాయంలోనే అర్థమైందన్నారు. ఇక అప్పటి నుంచి రోబోలపై అట్రాక్ట్‌ అయ్యానని, చివరకు త్రీడీ ప్రింటెడ్ ఇన్‌మూవేటర్‌ ప్రేమలోపడ్డానని తెలిపింది.
రానున్నకాలంలో మా బంధం బలపడుతుంది. ఇక రానున్నకాలంలో సాంకేతిక పరిజ్ఞానం పెరిగినకొద్దీ.. ఇన్‌మూవేటర్‌తో తన బంధం మరింత బలపడనున్నట్లు లిల్లీ పేర్కొంది.
ఇదిలా ఉంటే, లిల్లీ-రోబో అన్ యూజ్వల్ రిలేషన్ షిప్ కు ఆమెకుటుంబ సభ్యులు, ఫ్రెండ్స్ అంగీకరించారు. రోబోను పెళ్లి చేసుకునేందుకు కూడా మద్దతు తెలిపారు.
