గర్భధారణ సమయంలో ఒత్తిడిని మరియు ఆందోళనను నియంత్రించటం ఎలా ?

1) మీకు నచ్చే విషయాలను ఎక్కువగా చెయ్యాలి :

మీరు మీ ఇంట్లో చాలా బాధ్యతలు ఉన్న వ్యక్తిగానీ అయితే, మీ గర్భధారణ సమయంలో వెనకవైపు సాగి కూర్చుని, సంగీతాన్ని వినడం (లేదా) పుస్తకాన్ని చదువుతూ విశ్రాంతి తీసుకోవడం చాలా ముఖ్యం. ఇది శరీరంలోని సంతోషకరమైన హార్మోన్ను పెంచుతుంది, ఇది మీ శిశువుకు మరియు మీకు కూడా చాలా మంచిది.

2) ధ్యానం చేయండి:

గర్భధారణ సమయంలో ధ్యానం చేయడం వల్ల, మీ శరీరంలో ఉన్న ఒత్తిడి స్థాయిలను గణనీయంగా తగ్గిస్తుంది అలాగే హృదయ స్పందనను మరియు రక్తపోటును కూడా స్థిరమైనదిగా చేస్తుంది. చాలా చీకటి ఉన్న గదిలో, ప్రతిరోజు కనీసం అరగంట వరకూ ధ్యానం చేయండి. ఇది జననానికి-సంబంధించిన ఇతర సమస్యలను 90% పైగా తగ్గిస్తుంది.

3) మీ శరీరాన్ని అంగీకరించండి:

చాలామంది మహిళలు వారి శరీరంలో జరుగుతున్న మార్పులను, అనగా వారు తీవ్రంగా పొందుతున్న బరువు గురించి, మరియు వారి యొక్క ఆకారాన్ని గూర్చి చింతిస్తూ, మళ్లీ తిరిగి సాధారణమైన స్థితికి ఎప్పుడు చేరుకుంటామో అని ఆలోచిస్తూ తీవ్రమైన ఒత్తిడికి గురవుతారు. గర్భధారణ అనేది మీ శరీరంలో చాలా రకాల ఒత్తిడిలను ఉంచుతుంది. డెలివరీ తర్వాత మీరు ఖచ్చితంగా మీ అసాధారణమైన బరువును కోల్పోతారు, అయితే మీరు ఇలా గర్భధారణకు ముందుగానే అంచనా వేయడం చాలా పెద్ద తప్పు.

ఈ వాస్తవాన్ని మీరు గ్రహించినట్లయితే, మీ ఒత్తిడి స్థాయి తగ్గుతుంది. మీరు గుర్తుంచుకోవాల్సిన విషయం ఏమిటంటే, మీ బిడ్డ దృష్టిలో మీరే చాలా అందమైన వ్యక్తిగా ఉంటారు.

4) మీరు ఒమేగా-3 ఉన్న ఆహారాన్ని ఎక్కువగా తీసుకోవాలి:

ఒమేగా -3 కొవ్వు ఆమ్లాలతో కూడిన ఆహారం మీలో చురుకుదనాన్ని పెంచుతోంది. ఇది శరీరంలో ఒత్తిడి స్థాయిలను తగ్గించేందుకు ఉపయోగపడే ట్రిప్టోఫాన్ అనే ముఖ్యమైన అమైనో ఆమ్లాన్ని ఎక్కువ స్థాయిలో పెంచుతుంది. ఈ హార్మోన్ మీరు మంచిగా నిద్రించేలా చేసి, మీలో ఆత్మవిశ్వాసాన్ని పెంచడానికి దోహదపడుతుంది.

5) మీ భావాలను పంచుకోండి:

మీ భర్తతో గాని, స్నేహితులతో గానీ, మీ భావాలను పంచుకోవడం వల్ల, మీకు మరింత విశ్రాంతిని కలుగజేయడంలో సహాయపడగలదు, మీరు ఏ విధమైన ఆలోచనను చేస్తున్నారో అని అంచనా వేయడంలో మీ వాళ్లకు ఇది సహాయపడుతుంది. అలా వారు మీలో విశ్వాసాన్ని పెంచి, మీ విషయంలో జాగ్రత్తగా వ్యవహరించడానికి ఇది బాగా సహాయపడుతుంది.

6) ఎక్కువగా నిద్రించండి:

నిద్రించడం వల్ల, ఒత్తిడి స్థాయిలను తగ్గించే హార్మోన్లను మీ శరీరం సృష్టిస్తుంది. గర్భిణీ స్త్రీలు తరచూ అలసిపోయి, నిద్రిస్తుంటారు. మీ శరీరం నిద్రకు ఉపక్రమించినట్లయితే, మీరు దానినే అనుసరించండి. నిద్ర అనేది మిమ్మల్ని ఉత్తేజపరచి, మీకు కావలసిన శక్తిని అందిస్తుంది.

7) మీ శిశువుతో మాట్లాడండి :

మీ శిశువు, 23 వారం నుండి మీరు చెప్పే విషయాలను వింటుందని మీకు తెలుసా ? అవును, అది నిజమే ! మీరు ఆహ్లాదభరితమైన సంగీతాన్ని వినడం (లేదా) మీ శిశువుతో మాట్లాడటం వంటివి చెయ్యడం వల్ల, మీ ఇద్దరి మధ్య అనుబంధం మరింత దృఢంగా మారుతుంది. కడుపులో ఉన్న మీ శిశువు యొక్క కదలికలు మీకు విశ్రాంతిని కలుగజేస్తూ, ఒత్తిడితో కూడిన ఆలోచనలకు దూరంగా వుంచుతూ, మీ బిడ్డపైనే ప్రత్యేకమైన దృష్టిని ఉంచేలా చేస్తుంది.

8) పనిని వదిలేయండి:

మీరు చాలా ఒత్తిడితో కూడిన ఉద్యోగాన్ని కలిగి ఉంటే, గర్భధారణ సమయంలో దానిని వదిలేయాలని మీ డాక్టర్ సలహా ఇస్తారు, ఎందుకంటే ఉద్యోగం వల్ల కలిగే ఒత్తిడి మీ శిశువు పైన మరియు మీపైన చాలా తీవ్రంగా పడుతుంది కాబట్టి. ముఖ్యంగా చెప్పాలంటే, మీకు మీ శిశువు కంటే ఏదీ ముఖ్యమైనది కాదు.

9) నిజాలను తెలుసుకోండి:

పురిటి నొప్పులకు సంబంధించి ఇతరులు చెప్పే కథనాలను వినడం (లేదా) గర్భధారణ సమయంలో ఎదురయ్యే పరిస్థితుల గూర్చి ఇతరులు చెప్పే విషయాలను తెలుసుకోవడం వల్ల మీరు మరింత ఒత్తిడికి గురి కాగలరు. ఇతరులు చెప్పే బాధాకరమైన అనుభవాలను వినడానికి బదులుగా, మీలో ఆత్మవిశ్వాసాన్ని పెంచే సమాచారాన్ని వెతికి చదవండి. ఎలాంటి నొప్పి లేకుండా డెలివరీ జరగదు అనే విషయాన్ని ముందుగా తెలుసుకొని, మీ డాక్టర్ తో సంప్రదింపులు జరపడం వల్ల మీ మనసులో ఉన్న అనుమానాలను నివృత్తి చేసుకోవచ్చు.

10) సహాయం పొందండి:

వారికి జన్మించిన పిల్లల పట్ల - జాగ్రత్తలను వహించే విషయంలో చాలామంది తల్లులు ఒత్తిడికి గురవుతారు. అలాంటి సందర్భంలో, మీ నవజాత శిశువును జాగ్రత్తగా చూసుకోవటానికి, ఒక అనుభవజ్ఞుడైన వ్యక్తి యొక్క సహాయం మీకు కావాలి. ఇది మీపై ఒత్తిడిని తగ్గిస్తుంది మరియు మీకు మరియు మీ శిశువుకు మధ్య ఉన్న సమతుల్యతను బాగా నిర్ధారిస్తుంది. మీ శరీరం కూడా డెలివరీ తర్వాత తిరిగి సాధారణ స్థితికి చేరుకోవడానికి చాలా సమయం అవసరమవుతుందనే విషయాన్ని గుర్తుంచుకోండి, కాబట్టి మీకు కావలసిన అన్ని రకాల సహాయములను ఇతరుల నుంచి తప్పక పొందండి.