జిలేబీ రెసిపీ: ఇంట్లో స్వయంగా.. సులభంగా జిలేబి ఎలా తయారుచేయాలి

జిలేబి ప్రసిద్ధి చెందిన ఉత్తర భారతీయ తీపి వంటకం. ఇది దేశ వ్యాప్తంగా మరియు ప్రపంచ వ్యాప్తంగా ప్రసిద్ధి చెందింది. జిలేబిని పండుగలు మరియు శుభకార్యాల్లో తయారుచేస్తారు. జిలేబి చక్కర పాకంలో ముంచి తయారుచేసే కరకరలాడే తీపి వంటకం.

జిలేబి పిండిని 6 నుంచి 8 గంటల పాటు పులియ బెడతారు. అందువల్ల జిలేబి కొంచెం పులుపు రుచిని కలిగి ఉంటుంది. అయితే ఇప్పుడు త్వరగా రెడీ అయ్యే విధంగా జిలేబి రెసిపీ తయారీని చెప్పుతున్నాం.

ఇంటిలో తయారుచేసుకునే జిలేబి రుచి బయట కొనుకోలు చేసిన జిలేబి రుచినే కలిగి ఉంటుంది. ఇక్కడ మేము జిలేబి రుచి పులుపు కోసం ఎటువంటి పదార్ధాన్ని కలపటం లేదు. అయితే జిలేబి కొంచెం పుల్లగా ఉండాలని అనుకుంటే పిండికి కొన్ని చుక్కల నిమ్మరసాన్ని కలపండి.

జిలేబి సాధారణ మరియు త్వరగా తయారయ్యే రెసిపీ. జిలేబి తయారీలో పిండిని సరైన పాళ్లల్లో కలపాలి. జిలేబి త్వరగా ఎలా తయారుచేయాలో ఈ వీడియోలో చూడండి. అలాగే స్టెప్ బై స్టెప్ ప్రక్రియను ఫోటోలలో చూడండి.

జిలేబి వీడియో రెసిపీ

స్టెప్ బై స్టెప్

1. బౌల్ లోకి మైదా పిండి తీసుకోవాలి.

2. దానికి శనగపిండి మరియు తాజా పెరుగు కలపాలి.

3. ఉండలు లేకుండా మందపాటి పేస్ట్ గా కలపాలి.

4. కలిపిన పిండిని 10 నిమిషాల పాటు కదపకుండా ఆలా ఉంచాలి.

5. ఈ లోపు పొయ్యి మీద పాన్ పెట్టి పంచదార వేయాలి.

6. పంచదారలో నీరు పోయాలి.

7. పంచదార కరిగే వరకు 3 నుంచి 5 నిమిషాల వరకు కలుపుతూ ఉండాలి.

8. కుంకుమ పువ్వు మరియు ఫుడ్ కలర్ కలపాలి.

9. తక్కువ మంట మీద బాగా కలపాలి.

10. పిండిలో చిటికెడు ఫ్రూట్ సాల్ట్ కలపాలి.

11.ప్లాస్టిక్ స్క్వీజ్ బాటిల్ తీసుకోండి. మూత తెరిచి పై భాగంలో ఒక గరాటు ఉంచండి.

12. బాటిల్ లోకి పిండిని గరాటు ద్వారా వేసి బాటిల్ కి నాజిల్ ఉన్న మూతను పెట్టాలి.

13. పొయ్యి మీద పాన్ పెట్టి నెయ్యి పోసి కరిగించి రెండు నిముషాలు వేడి చేయాలి.

14. నెయ్యి వేడెక్కాక పిండి వేసుకున్న బాటిల్ తీసుకొని బాటిల్ ని నొక్కుతూ జిలేబి ఆకారం వచ్చేలా వేయాలి.

15. జిలేబి రౌండ్స్ ఒకదాని తర్వాత ఒకటి వచ్చేలా జాగ్రత్తగా వేయాలి.

16. రెండు వైపుల గోల్డ్ కలర్ వచ్చేవరకు జాగ్రత్తగా వేగించాలి.

17. బాగా వేగిన జిలేబిని ఒక ప్లేట్ లోకి తీసుకోవాలి.

18. ఆ జిలేబి మీద పంచదార పాకాన్ని పోసి 30 సెకన్ల పాటు అలానే ఉంచాలి.

19. వేడి వేడి జిలేబీలకు సర్వ్ చేయండి.