గుమ్మడికాయ కూర తయారీ । పొడి గుమ్మడికాయ కూర । పేఠే కీ సబ్జీ రెసిపి

గుమ్మడికూర భారతదేశ సాంప్రదాయ వంటకం. దీన్ని ఉపవాసాలప్పుడు, పండగలకి ముఖ్యంగా తయారుచేస్తారు. దీన్ని ఒక్కో ప్రాంతంలో ఒక్కో రకంగా వండుతారు. మీరు గుమ్మడికాయ ప్రేమికులైతే, ఈ వేయించిన పొడి కూర మీ పొట్టకి విందుభోజనమవుతుంది.

గుమ్మడికాయ ముక్కలను రకరకాల మసాలా దినుసులతో కలిపి వండుతారు. దానివల్ల మంచి వాసన, రుచి కూరకి వస్తుంది. ఒక ముద్ద గుమ్మడికూరలో మీకు గుమ్మడికాయ తియ్యదనం, దినుసుల రకరకాల రుచులు ఒకేసారి తగులుతాయి.

గుమ్మడికాయకి అనేక ఆరోగ్య లాభాలు ఉంటాయి కనుక ఆరోగ్యం, రుచి కలిసిన ఈ కూర చాలా మంచిది.ఇది సులభంగా, త్వరగా వండేసేయవచ్చు. అందులో వాడే దినుసులు కూడా రోజువారీ ఇంట్లో వాడుకునేవే ఉంటాయి కనుక పెద్ద శ్రమ లేకుండానే కూర తయారయిపోతుంది.

ఈ రుచికరమైన గుమ్మడికాయ పొడికూరను వీడియో మరియు స్టెప్ బై స్టెప్ విధాన చిత్రాలతో నేర్చుకుని తయారుచేసుకోండి.

గుమ్మడికాయ కూర వీడియో రెసిపి

స్టెప్ బై స్టెప్ - గుమ్మడికాయ కూర ఎలా వండాలి

1. ఒక గుమ్మడికాయ తీసుకుని, గింజలు తీసేసి, పెద్ద ముక్కలుగా తరగండి.

2. పై తొక్కు తీసేసి చిన్న చిన్న ముక్కలుగా కోసుకోండి.

3. వేడిపెనంలో నూనె వేయండి.

4. ఇంగువ, జీలకర్ర వేయండి.

5. మెంతులు కూడా వేసి వేగనివ్వండి.

6. అల్లం మరియు తరిగిన గుమ్మడి ముక్కలు వేయండి.

7. బాగా కలిపి 2 నిమిషాలు ఉడకనివ్వండి.

8. రాళ్ళ ఉప్పు వేసి బాగా కలపండి.

9. మూతపెట్టి మధ్య మంటపై 2 నిమిషాలు ఉడకనివ్వండి.

10. మూత తీసేసి, పసుపు వేయండి.

11. కారం, ధనియాల పొడి వేయండి.

12. గరం మసాలా, చక్కెర కూడా వేయండి.

13. అన్నిటినీ బాగా కలిపి మూతపెట్టండి.

14. 5-7 నిమిషాలు ఉడకనివ్వండి.

15. మూత తీసి ఆమ్ చూర్ పొడి వేయండి.

16. ఇక పచ్చిమిర్చి, కొత్తిమీర కూడా కలపండి.

17. స్టవ్ ఆపేసి వడ్డించండి.