మటన్ గల్లౌటి కబాబ్ రెసిపీ

1. మటన్ కీమాను నీటితో శుభ్రంగా కడగాలి.

2. ఆ తర్వాత కీమాను మ్యారినేట్ చేయాలి.

3. పచ్చి బొప్పాయి పేస్ట్, ఉల్లిపాయ పేస్ట్, అల్లం వెల్లుల్లి పేస్ట్, జాపత్రి పొడి, మరియు గరం మసాలా పొడి వేయాలి.

4. ధనియాల పొడి, పసుపు, కారం, చనా పొడి, ఏలకుల పొడి మరియు ఉప్పు వేసి మ్యారినేట్ చేయాలి.

5. ఒక గంట పాటు రిఫ్రిజిరేటర్ లో ఉంచాలి.

6. ఒక గంట తరువాత రిఫ్రిజిరేటర్ నుండి కీమా మిశ్రమాన్ని బయటకు తీయాలి.

7. ఈ మిశ్రమాన్ని మీడియం సైజ్ లో తీసుకోని టిక్కీ లుగా చేసుకోవాలి.

8. పాన్ లో నూనె పోసి వేడి చేయాలి.

9. వేడెక్కిన నూనెలో టిక్కీలను వేసి రెండు వైపుల 15-20 నిముషాల పాటు వేగించాలి.

10. కీమా బాగా ఉడికినట్టు నిర్ధారణ చేసుకోవాలి.

11. కబాబ్ రెండు వైపుల గోల్డ్ రంగు రావాలి.

12. కబాబ్స్ పూర్తిగా వేగాక సర్వింగ్ ప్లేట్ లో సర్వ్ చేయండి.

13. లక్నో శైలిలో తయారుచేసిన మటన్ గల్లౌటి కబాబ్ ను పుదీనా చట్నీ మరియు పచ్చి బొప్పాయి చట్నీతో తినండి.