బిగోరెక్సియా అంటే ఏంటి? అది అపాయకరమా?

ఎలా మొదలవుతుంది?

బిగోరెక్సియాతో బాధపడే వ్యక్తి భారీగా కనిపించాలని తపిస్తాడు. అలా పెరగటానికి, అతను పిచ్చిగా, అదేపనిగా బరువులు ఎత్తడం వంటి వ్యాయామాలు చేస్తాడు. అయితే కండలు తిరిగి, భారీగా మారినాకూడా, అతన్ని అతను శరీరాకృతిలో చిన్నగానే భావిస్తాడు. దీనివల్ల మానసిక ఒత్తిడి, ఆందోళన ప్రారంభమవుతాయి.

మరో పేరు

ఈ రుగ్మతకి మరోపేరు కూడా ఉంది. దీన్ని మజిల్ డిస్మార్ఫియా అని కూడా అంటారు. కానీ ముఖ్యంగా ఇది మానసికమైన భావన.

ఇది నియంత్రణలేని స్వభావమా?

బిగోరెక్సియాతో బాధపడే వ్యక్తి అనుక్షణం బాడీబిల్డింగ్ పనిలోనే ఉండవచ్చు లేదా ఆలోచిస్తూ గడపచ్చు. పెద్ద పెద్ద కండల పిచ్చితో అతను ఎవరితో కలవక, రోజులో చాలాసేపు జిమ్ లోనే గడుపుతాడు.

స్టెరాయిడ్ల దుర్వినియోగం

మెల్లమెల్లగా, స్టెరాయిడ్ల దుర్వినియోగంలోకి దిగుతారు. ప్రొటీన్ పౌడర్లు, సహాయకాల నుంచి ఉత్ప్రేరకాల వాడకం వరకూ భారీగా ఎదగటానికి ఏది ఉపయోగపడుతుందో దాన్ని ఒక్కటీ వదలరు.

కండలవీరుడు అయ్యాక…

అంత పెద్దగా అనుకున్నట్టు శరీరాన్ని పెంచాక కూడా, మానసిక రుగ్మత వల్ల అతనికి సంతృప్తి కలగదు. పైగా తనను తాను చిన్నదృష్టితో, సరిపోనని భావించుకుంటాడు !

ఎవరిపై ప్రభావం పడుతుంది?

ప్రస్తుత అధ్యయనాల ప్రకారం, అసలు చాలావరకూ కేసులు బయటకి తెలీకుండానో, చికిత్స వరకూ రాకుండానోనే ఉంటాయి. ఏవో కొన్ని రికార్డు అయిన కేసుల ప్రకారం, బిగోరెక్సియా, తక్కువ ఆత్మవిశ్వాసం, ఆందోళన వంటి వాటికి సమంగా కన్పిస్తుంది. అందువల్ల రోగి చుట్టూ ఉన్నవారు దీన్ని పట్టించుకోరు. ఎప్పుడైతే బాధితుడు డిప్రెషన్ లోకి వెళ్ళటం మొదలుపెడతాడో, అప్పుడు అసలు ప్రమాదం మొదలవుతుంది.

దేని వల్ల వస్తుంది?

ఇది వంశపారంపర్యంగా కూడా రావచ్చు. మెదడులోని రసాయనాల అసమతుల్యత వల్ల కూడా కలగచ్చు. యుక్తవయస్సులో వారి బలహీనతలను ఎగతాళి చేయబడి, బాధపడ్డవారిలో ఈ రుగ్మత ఎక్కువ కన్పిస్తుంది.

చాలా మంది మగవారిని చిన్నప్పటి నుంచి ధృఢంగా, కండలు తిరిగి, బలంతో ఉండాలని, అదే పురుషలక్షణమని సహజంగా నూరిపోస్తారు. ప్రతి పురుషుడు రహస్యంగా కూడా సూపర్ హీరోలా ఉండాలని కలలు కంటాడు.

చికిత్స

బిగోరెక్సియా ఉన్న వ్యక్తి తప్పనిసరిగా వైద్యసాయం తీసుకోవాలి. కాగ్నెటివ్ బిహేవియరల్ థెరపీ మరియు మందుల వాడకం కూడా సాయపడవచ్చు.