రాత్రిలో ఖర్జూరంని పాలలో నానబెట్టి, ఉదయం పరగడపున తీసుకుంటే మగవారికి కొండత బలం..

By Mallikarjuna

Updated: Saturday, October 7, 2017, 17:54 [IST]

ఖర్జూరాల తీపికి ఎవరైనా పరవశం చెందాల్సిందే. ఖర్జూరాలు శరీరానికి అద్భుతమైన టానిక్ లా పని చేస్తాయి. ఇక ఖర్జూరాల్లో ఉన్న ఔషధ గుణాల గురించి చెప్పుకోవాలంటే పెద్ద గ్రంథమే అవుతుంది. ఏ పండు అయినా పండగానే బాగుంటుంది.. కాని ఖర్జూరం మాత్రం ఎండినా గాని బాగుంటుంది. వేసవిలో ఎండు ఖర్జూరం నీళ్ళు తాగని పసిపిల్లలు ఎన్నో సమస్యలొస్తాయి. ఖర్జూరం అత్యధిక మినరల్స్ ఉన్న ఆహార పదార్ధం. ఈ పండులో విటమిన్లు, కాల్షియం, మినరల్స్, ఐరన్ పుష్కలంగా ఉంటాయి.

రక్త హీనత (అనిమియా) తో బాధ పడుతున్న వారికి వెంటనే పుష్కలంగా రక్తం వచ్చేలా చేయడంలో ఖర్జూరానికి మించిన ఔషదం లేదు. ఐరన్ లోపం ఉన్న వారికీ ఇది దివ్య ఔషదంగానే చెప్పుకోవాలి. అందుకే దీన్ని ప్రతి రోజు తీసుకునే ఆహారంలో చేర్చుకోవాలి అంటున్నారు పోషక ఆహార నిపుణులు. అద్భుతమైన బలాన్నిచ్చే ఖర్జూరం పాలు ఎలా చేసుకోవాలో చూద్దాం..

కావాల్సిన పదార్ధాలు : పాలు, ఖర్జూర పండ్లు

ముందుగా ఒక గిన్నె తీసుకోని అది స్టవ్ పై పెట్టి దానిలో పాలు పోసి, అందులో ఖర్జురాలను వేసుకోవాలి. ఆ తర్వాత పాలను మరిగించాలి. అప్పుడు ఖర్జురాల్లోని తియ్య దనం మొత్తం పాలల్లో కలుస్తుంది. కొంచెం సేపు మరిగిన తర్వాత స్టవ్ ఆఫ్ చేసుకోవాలి. ఆ తర్వాత ఒక గ్లాస్ లో పోసుకొని చల్లారిన తర్వాతా తాగాలి. ఇందులో ఉండే పోషకాల వల్ల కలిగే లాభాలు ఏంటో చూడండి.

1. సెక్సువల్ స్టామినా:

ఖర్జూరం కలిపిన పాలు తాగడం వల్ల సెక్స్ సామర్థ్యం పెరుగుతుంది. వేడి పాలలో ఖర్జూరాలు వేసి రాత్రంతా నానబెట్టాలి. మరుసటి రోజు ఉదయం పాలతో పాటు ఖర్జూరాలను మిక్సీలో పేస్ట్ చేసి, కొద్దిగా యాలకపొడి, తేనె కలిపి తీసుకోవాలి.

2. అనీమియా నివారిస్తుంది:

ఖర్జూరాల్లో ఐరన్ కంటెంట్ ఎక్కువగా ఉంటుంది. ఇది అనీమియాను తగ్గిస్తుంది. ఈ డేట్స్ ఎక్కువ ప్రయోజనాలను అందిస్తుంది. డేట్స్ లో ఉండే ఫ్లోరిన్ దంతక్షయాన్ని నివారిస్తుంది.

3. ఎనర్జీ బూస్టర్:

డేట్స్ గ్రేట్ ఎనర్జీ బూస్టర్. ఎందుకంటే అందులో గ్లూకోజ్, సుక్రోజ్, ఫ్రక్టోజ్ లు ఉంటాయి. మరిన్ని ఎక్కువ ప్రయోజనాలు పొందాలంటే, పాలలో ఖర్జూరాలను రాత్రంతా నానబెట్టి, ఉదయం పేస్ట్ చేసి తాగాలి. ఈ పాలలో ఉండే లోక్యాలరీలు ఆరోగ్యానికి చాలా మేలు చేస్తాయి.