పాదాలను గమనిస్తే శరీర ఆరోగ్యాన్ని అంచనా వేయవచ్చా ?

కాలి బొటనవేలు సాగినట్లు కనిపిస్తే

కాలి బొటనవేలు సాగినట్లు కనిపించడం, వేళి మధ్యలో పుండ్లు ఏర్పడటం సాధారణంగా గమనిస్తుంటాం. మంచినీళ్లు సరిగ్గా తాగని వాళ్లకు, బరువు ఎక్కువగా ఉన్నవాళ్లుకు ఈ సమస్య వస్తుంది. దీనికి ఆహారం, వ్యాయామాలు పరిష్కారం.

పాదాలకు చల్లగా అనిపిస్తే

పాదాలు ఎక్కువగా చల్లగా అనిపిస్తుంటే.. మీకు థైరాయిడ్ సమస్య పొంచి ఉందని అర్థం. ఇలాంటి ఫీలింగ్ మీ పాదాలలో కనిపిస్తే.. మీరు హైపోథైరాయిడిజమ్ తో బాధపడుతున్నారని.. పాదాలకు రక్తప్రసరణ సరిగా అందడంలేదని సూచిస్తుంది.

పాదాలలో అల్సర్స్

పాదాలలో అల్సర్స్ ఏర్పడితే.. మధుమేహం ఉందని అర్థం. పాదాల్లో తిమ్మిరిగా ఉండటం, ఎర్రని చారలు ఏర్పడటం.. టైప్ టు డైయాబెటీస్ కి సంకేతాలు. కాబట్టి అలాంటి లక్షణాలు కనపడగానే డాక్టర్ ని సంప్రదించాలి.

మీ పాదాల గోళ్ల షేప్ మారితే

పాదాల గోళ్ల ఆకారం మారితే అశ్రద్ధ చేయకూడదు. అలాంటి సంకేతాలు కనిపించిన వెంటనే హార్ట్ టెస్ట్ చేయించుకోవాలి. గోళ్ల షేప్ చేంజ్ అయిందంటే.. హృద్రోగ సమస్యలు, ఊపిరితిత్తుల సమస్యలు, గ్యాస్ట్రిక్ సమస్యలకు కారణమని గమనించాలి.

కాళ్లపై రోమాలు లేకపోతే

కాళ్లపై రోమాలు లేకుండా.. నిగనిగలాడుతుంటే.. ఫెరిఫెరల్ వ్యాస్కులర్ డిజీస్ కి సంకేతమని నిపుణులు చెబుతున్నారు.

కాలి గోళ్లు మెరుస్తుంటే

కాలి గోళ్లు మెరుస్తున్నట్లు అనిపిస్తే.. సొరియాసిస్, చర్మ సంబంధిత సమస్యలకు కారణమని చెప్పవచ్చు. ఈ సమస్య నుంచి బయటపడాలంటే.. క్రీమ్ బేస్డ్ మెడిసిన్స్ వాడటం మంచిది. దీన్ని నిర్లక్ష్యం చేస్తే.. తెల్ల మచ్చలు ఏర్పడే ప్రమాదం ఉంది.

పాదాల జాయింట్స్ లో గాయాలు గమనిస్తే

పాదాలు గాయపడినట్లు కనిపిస్తే.. త్వరలో రుమటాయిడ్ ఆర్థరైటిస్ సమస్య వస్తుందని సంకేతం. జాయింట్స్ లో వాపులు, చీము కారడం వంటివి కూడా ఎక్కువగా కనిపిస్తాయి.