World Milk Day 2021: మీ వయసుని బట్టి మీరు రోజుకి ఎన్ని పాలు తాగాలి ?

0 -12 నెలలు

12 నెలలలోపు పిల్లలకు ఆవు పాలు ఇవ్వకూడదు. తల్లిపాలు సురక్షితం. తల్లిపాల ద్వారా వాళ్లు ఎంత పరిమాణంలో తాగాలి అనేది తెలుస్తుంది. వాళ్లకు ఆకలి అనిపించినప్పుడు పాలు ఇవ్వడం సురక్షితం.

1-3 ఏళ్లలోపు పిల్లలకు

ఒక ఏడాది నుంచి మూడేళ్లలోపు పిల్లలకు రోజుకి 360 మిల్లీగ్రాముల క్యాల్షియం అవసరం. దీనికోసం వాళ్లు రోజుకి కనీసం 100 మిల్లీలీటర్ల పాలు, 100-125 గ్రాముల పాల ఉత్పత్తులైన పెరుగు, వెన్న ద్వారా అందివ్వాలి.

4-10 ఏళ్లు

4-10 ఏళ్లలోపు పిల్లలకు రోజుకి 130 నుంచి 150 మిల్లీ లీటర్ల పాలు ఇవ్వడం వల్ల రోజుకి 450 నుంచి 500 మిల్లీగ్రాముల క్యాల్షియం అందుతుంది.

11-18 ఏళ్లు

ఈ వయసు పిల్లలకు రోజుకి 800 నుంచి 1000 మిల్లీ గ్రాముల క్యాల్షియం అవసరం. కాబట్టి వీళ్లు రోజుకి కనీసం 200 నుంచి 250 మిల్లీ లీటర్ల పాలు ఖచ్చితంగా తాగాలి. పాలు మాత్రమే కాకుండా.. పెరుగు, పాల ఉత్పత్తులు 200 గ్రాములు, వెన్న 30 నుంచి 40 గ్రాములు తీసుకోవాలి.

19-50 ఏళ్లలోపు

19 నుంచి 50 ఏళ్లలోపు వాళ్లు ప్రతి రోజూ 200 మిల్లీ లీటర్ల పాలు, 150 గ్రాముల పెరుగు, 30 గ్రాముల వెన్న తీసుకోవడం వల్ల మీ శరీరానికి కావాల్సిన క్యాల్షియం అందుతుంది.

50 ఏళ్లు పైబడిన వాళ్లు

50 ఏళ్లు పైబడిన వాళ్లకు కావాల్సినంత క్యాల్షియం అందడానికి 200 మిల్లీ లీటర్ల పాలు ఖచ్చితంగా ప్రతిరోజూ తాగాలి. అలాగే 150 గ్రాముల పెరుగు, 30 గ్రాముల వెన్న తీసుకోవాలి.

70 ఏళ్లు

70 ఏళ్ల వయసు దాటిన వాళ్లు పాలు తీసుకునే పరిమాణం పెంచాలి. వీళ్లు 230 నుంచి 250 మిల్లీ లీటర్లు రోజుకి తీసుకోవాలి.