మహిళలూ జాగ్రత్త..గ్రీన్ టీ ఎక్కువ తాగితే పిల్లలు పుట్టరు

Published: Saturday, September 2, 2017, 17:43 [IST]

ఇప్పుడు చాలామంది ఉదయం నిద్రలేవగాని గోరువెచ్చని గ్రీన్ టీ తీసుకుంటారు. గ్రీన్ టీలో అనేక ఆరోగ్య ప్రయోజనాలున్నప్పటికీ.. కొన్ని దుష్ప్రభావాలు కూడా లేకపోలేదు.

గ్రీన్‌ టీ తీసుకోవడం వలన పలు ఆరోగ్య సమస్యలకు దూరంగా ఉండవచ్చన్నది చాలా మంది అభిప్రాయం. అయితే ఇందులో కొంతవరకూ మాత్రమే నిజం ఉంది అంటున్నారు పరిశోధకులు. గ్రీన్‌ టీని ప్రతిరోజూ ఎక్కువ మోతాదులో తీసుకుంటే స్త్రీలలో సంతానోత్పత్తి తగ్గే ప్రమాదం ఉందని వారు హెచ్చరిస్తున్నారు.

మహిళలూ జాగ్రత్త..గ్రీన్ టీ ఎక్కువ తాగితే పిల్లలు పుట్టరు

ఎలుకల మీద నిర్వహించిన పరిశోధనలో ఈ విషయాన్ని వారు గమనించారు. అయితే గ్రీన్‌ టీలో ఏ పదార్థం సంతోనోత్పత్తిని అడ్డుకుంటుందన్న విషయాన్ని మాత్రం వీరు స్పష్టం చేయలేకపోతున్నారు. రోజు మొత్తంలో ఒకటి లేదా రెండు కప్పులు మాత్రమే తాగాలని వారు సూచిస్తున్నారు. మరి వీటితో పాటు మరికొన్ని దుష్ప్రభావాలు కూడా ఉన్నాయి..అవేంటో తెలుసుకుందాం..

గ్రీన్ టీలో ఎలాంటి క్యాలరీలుండవు

గ్రీన్ టీలో ఎలాంటి క్యాలరీలుండవు. అందుకే బరువు తగ్గాలంటే ఈ టీ తాగాల్సిందే! కానీ ఇందులో చక్కెర వేయడం వల్ల బరువు తగ్గడానికి బదులు మరింత బరువు పెరుగుతారు. కాబట్టి చక్కెరకు బదులు తేనెని కలిపి తాగితే మంచిది!

లివర్‌ని ప్రమాదంలోకి నెట్టినట్లే!

శరీరంలో హార్మోన్ల అసమతుల్యత వల్ల యాంటీబయాటిక్స్ సరిగా పనిచేయవు. ఇతర మందులు ఉపయోగించేటప్పుడు గ్రీన్ టీ తీసుకోవడం వల్ల లివర్‌ని ప్రమాదంలోకి నెట్టినట్లే!