ఆరోగ్యకరమైన గర్భం పొందాలంటే...ఇవి పాటించాల్సిందే!

మీ ఆహారంలో పండ్లు, కూరగాయలను ఎక్కువగా తీసుకోండి...

మీరు గర్భధారణ సమయంలో పండ్లు, కూరగాయలను ఎక్కువగా తీసుకోవాలి. పండ్లు, కూరగాయలు మీ శిశువు పెరుగుదలకు దోహదం చేస్తాయి. వీటిల్లో పోషకవిలువలు ఎక్కువగా ఉంటాయి. కాబట్టి ఆరోగ్యంగా ఉండేందుకు సహాయం చేస్తాయి.

డైట్ లో ఐరన్ ఉండేలా చూసుకోండి...

గర్భవతిగా ఉన్నప్పుడు ఐరన్ అనేది చాలా ముఖ్యం. ఐరన్ తక్కువ స్థాయిలో ఉంటే రక్తహీనత వచ్చే ప్రమాదం ఉంటుంది. అంతేకాదు మీ పుట్టబోయే బిడ్డమీద ఎక్కువ ప్రభావం చూపుతుంది. మీ డాక్టర్లు ఇచ్చిన ఐరెన్ సప్లిమెంట్లను నిరంతరం వాడుతుండాలి. ఐరెన్ ట్యాబ్లెట్లతోపాటు కాయధ్యానాలు, మాంసం ఎక్కువగా తీసుకోండి. విటమిన్ సి, ఎక్కువగా ఉన్న నారింజ, నిమ్మకాయలను ఆహారంలో తీసుకోండి వీటి వల్ల ఐరెన్ ఎక్కువగా ఉంచేందుకు సహాయం చేస్తాయి.

ఎక్కువ నీరు తాగాలి....

గర్బవతిగా ఉన్నప్పుడు ఎక్కువ నీళ్లు తాగాలి. మీరు ఎక్కడికి వెళ్లినా..మీతో ఓ బాటిల్ వాటర్ ను వెంటబెట్టుకోవడం మంచిది. మీరు మరింత రిఫ్రెష్ కావడానికి నిమ్మకాయ లేదా దోసకాయ ముక్కలను తీసుకోవచ్చు. ఫ్రూట్ జ్యూస్ లు మరియు హెర్బల్ టీలు కూడా డిహైడ్రేషన్ బారిన పడకుండా ఉంచుతాయి. అయితే గర్భధారణ సమయంలో కెఫిన్ తయారు చేసిన డ్రింక్స్ జోలికి వెళ్లకపోవడం ఉత్తమం.

ఫోలిక్ యాసిడ్ ట్యాబ్లెట్లు తీసుకోవాలి...

గర్భం దాల్చినప్పటి నుంచి ప్రసవం అయ్యేంతవరకు ఫోలిక్ ఆసిడ్ ట్యాబ్లెట్లు చాలా ముఖ్యమైన పోషక పదార్థంగా పనిచేస్తాయి. గర్భం పొందాలనుకున్న ఆరు నెలల ముందు నుంచే ఫోలిక్ ఆసిడ్ ట్యాబ్లెట్లు వాడాలని మీ డాక్టర్ సూచిస్తారు.

ఆరోగ్యకరమైన ఫుడ్ ను తినండి...

గర్భవతిగా ఉన్నప్పుడు తయారు చేయబడిన ఆహారం కంటే...తాజా పండ్లను తీసుకోవడం ఎంతో మేలు. మిక్స్డ్ డ్రై ఫ్రూట్స్ ను ఒక జార్ లో వేసుకుని స్టోర్ చేసుకోండి. ఎందుకంటే ఎక్కువగా ఆకలి వేసినప్పుడు వాటిని తినడం బెట్టర్. ఇక రాత్రిపూట వికారం మరియు వాంతులు కలిగించే ఆహారానికి దూరంగా ఉండటం మంచిది. అల్పాహారంగా బిస్కెట్లు, బ్రెడ్ లాంటివి తీసుకోవడం మంచిది.

కావాల్సినంతగా పడుకోండి...

గర్భధారణ సమయంలో నిద్ర అనేది చాలా ముఖ్యం. అయితే ఈ సమయంలో నిద్ర చాలా తక్కువగా వస్తుంది. గర్భం పెరుగుతున్నా కొద్ది నిద్ర సరిగ్గా రాదు. పడుకోవడానికి కూడా చాలా కష్టంగా ఉంటుంది. స్లీపింగ్ పిల్లోపై పడుకోవడానికి ప్రయత్నించండి.

వ్యాయామం....

మీ రోజు చేసే వ్యాయామాన్ని కొనసాగించడం కష్టంగా ఉంటుంది. చురుకుగా ఉండటానికి నెమ్మదిగా నడవడం ప్రారంభించండి. మీ శరీరం సహాకరిస్తే...జాగ్ చేయండి. మీ డాక్టర్ ను అడిగి వ్యాయామాన్ని గురించి సలహాలు తీసుకోండి.