ముఖ చర్మం మెరవాలంటే... !

కోకో - ఈ గింజలలో ఎండ నుండి చర్మాన్ని రక్షించే ఫ్లేవనాల్స్ అధికంగా వుంటాయి. ఉదయం, సాయంత్రం తాగటమే కాక, స్నానపు నీటిలో కోకో పౌడర్ (కప్పులో ఎనిమిదో భాగం) కొవ్వు లేని పాలు(కప్పులో 3 వంతులు) స్నానపు నీటిలో కలిపి స్నానం చేయండి.

పెరుగు - పెరుగులో వుండే పోషకాలు మీ చర్మం లేతగా వుండేలా చేస్తాయి. ముఖానికి బాగా పట్టించి కొద్ది నిమిషాలుంచి కడిగేయండి. కాంతులీనే ముఖం మీ సొంతమవుతుంది.

స్ట్రా బెర్రీలు - వీటిలో వుండే విటమిన్ సి ఎండనుండి మీ చర్మాన్ని కాపాడుతుంది. బెర్రీ లను బాగా నలిపి చల్లటి పెరుగులో కలిపి దానికి అర చెంచా నిమ్మరసం కలిపి, ఈ మిశ్రమాన్ని ముఖానికి బాగా పట్టించండి. మొటిమలు, నల్లని మచ్చలు కూడా పోతాయి. చర్మం మంచి నిగారింపు పొందుతుంది.

గ్రీన్ టీ - దీనిలో వుండే యాంటీ ఆక్సిడెంట్లు చర్మాన్ని బయటి వాతావరణం నుండి సంరక్షించి మంచి రంగు కలిగేలా చేస్తాయి.

కాఫీ - రోజూ ఒక కప్పు కాఫీ తాగితే చర్మం ముడతలు పడకుండా, వేలాడకుండా వుంటుంది. ఎండకు చర్మం రంగు మారకుండా కాపాడుతుంది. ఒక కప్పు మాత్రమే తాగాలి సుమా!

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.