అల్లం-జీల‌క‌ర్ర డ్రింక్ 10 రోజులు తాగితే అనూహ్య‌మైన మార్పు!

బ‌రువు త‌గ్గే విష‌యంలో బాన పొట్ట ఎప్పుడూ అడ్డంగా ఉంటుంది. చూసేందుకు బాగా క‌నిపించ‌క‌పోవ‌డ‌మే కాదు.. అలా ఉన్న‌వారిని చూసి న‌వ్వేవారు, మాట్లాడుకునేవారు ఉంటారు. లావుగా ఉన్న పొట్ట గురించి చింతించ‌కండి. కొన్ని ర‌కాల జాగ్ర‌త్త‌ల‌తో అధిక పొట్ట‌ను ఇట్టే క‌రిగించొచ్చు. మ‌న వంట‌గ‌దిలో దొరికే అల్లం, జీల‌క‌ర్ర‌తో దీన్ని సాధించ‌వ‌చ్చంటే న‌మ్ముతారా?

అల్లంతో ప్ర‌యోజ‌నాలు

ఎంతో పురాత‌న‌మైన‌ది అల్లం. ఇది దాదాపు ప్ర‌తి భార‌తీయ వంటిట్లో క‌నిపిస్తుంది. అల్లానికి ప్ర‌త్యేక‌మైన వైద్య గుణాలున్నాయి. దీని వాస‌న ఆహారానికి, తేనీరుకు ప్ర‌త్యేక రుచిని తీసుకొస్తాయి. ఎన్నో ఏళ్లుగా క‌డుపు నొప్పికి అల్లాన్ని దివ్య ఔష‌ధంగా వాడుతున్నారు. వేడిని త‌గ్గించే గుణం అల్లానికి ఉంది. అందుకే కాబోలు అల్లం అనేక ప్ర‌యోజ‌నాల‌ను క‌లిగి ఉంటుంది. అల్లం అనేది మ‌ట్టిలో పెరిగే కాండం.

మ‌రో ఘాటైన దినుసు జీల‌క‌ర్ర పుట్టింది మ‌ధ్య‌ధ‌రా ప్రాంతంలో. జీల‌క‌ర్ర‌లో పొటాషియం, ఐర‌న్ పుష్క‌లంగా ఉంటాయి. దీంతోపాటు విట‌మిన్ సీ, ఈ, కే లు త‌క్కువ ప‌రిమాణాల్లో ఉంటాయి. అధిక కొవ్వును త‌గ్గించ‌డంలో, కొల‌స్ట్రెల్ స్థాయిల‌ను అదుపులో ఉంచడంలో జీల‌క‌ర్ర బాగా ఉప‌యోగ‌ప‌డుతుంది.

మ‌రి ఈ రెండింటి మిశ్ర‌మాన్ని ఎలా తీసుకోవాలో చూద్దాం..

త‌యారీ విధానం

ఒక టేబుల్ స్పూన్ జీల‌క‌ర్ర తీసుకోవాలి. దీన్ని విడిగా లేదా పొడిగా చేసుకోవాలి. దీన్ని అర లీట‌ర్ నీటిలో వేసి మ‌రిగించాలి. నీళ్లు స‌గం అయ్యే వ‌ర‌కు అంటే పావులీట‌ర్ చేరుకునేదాకా బాగా మ‌రిగించాలి. రుచి కోసం కావాలంటే యాల‌కులు, లవంగాలు, నిమ్మ ర‌సం క‌లుపుకోవ‌చ్చు. దీంట్లోనే స‌న్న‌గా తురిమిన అల్లం వేసుకోవాలి. ఈ మిశ్ర‌మాన్ని వ‌డ‌క‌ట్టి ఉద‌యాన్నే తాగాలి. ఇలా వ‌రుస‌గా 10 రోజుల చేస్తే మంచి ఫ‌లితాలు క‌నిపిస్తాయి. ఆ త‌ర్వాత 45 నిమిషాల పాటు వ్యాయామం చేస్తే బాగుంటుంది. దీనికి జ‌త‌గా మంచి డైట్ తీసుకోవాలి.

జీల‌క‌ర్ర‌, అల్లం మిశ్ర‌మం మెటబాలిజాన్ని పెంచుతుంది. బ‌రువు త‌గ్గ‌డానికి ఇది చాలా అవ‌స‌రం. మెటబాలిజం పెర‌గ‌డం వ‌ల్ల క్యాల‌రీలు బాగా ఖ‌ర్చ‌వుతాయి. రోజంతా ఉషారుగా ఉండ‌గ‌లుగుతారు. ఇది కాకుండా ఈ రెండింటి మిశ్ర‌మం ఏదైనా తినాల‌నే కోరిక‌ను అణ‌చివేస్తుంది. దీంతో అవి ఇవి తిన‌కుండా ఉండ‌గ‌లుగుతాం. ఆరోగ్య‌మూ బాగుంటుంది.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.