కింగ్ ఆఫ్ స్పైస్ అయిన వెల్లుల్లిని ఖాళీ కడుపుతో తింటే ఏమవుతుంది ?

By Swathi

Published: Wednesday, April 20, 2016, 16:48 [IST]

వెల్లుల్లిని కింగ్ ఆఫ్ స్పైసెస్ అని పిలుస్తారు. ఇది లేకుండా.. ఎలాంటి ఆహారం ఉండదంటే అతిశయోక్తి కాదు. మంచి సువాసన, ఘాటైన రుచి, అమోఘమైన ఆరోగ్య ప్రయోజనాలు ఇమిడి ఉన్న వెల్లుల్లిని ట్రెడిషనల్ స్పైస్ గా చెప్పవచ్చు. కూరలైనా, చారులైనా, చట్నీలైనా, సాంబారైనా, పప్పు అయినా, పులుసు అయినా.. వెల్లుల్లి ఘాటు తగలాల్సిందే అంటారు.

వెల్లుల్లిని 5 వేల సంవత్సరాల క్రితం నుంచి పండిస్తున్నారు. వంటకాల్లో ఉపయోగిస్తున్నారు. పురాతన కాలం నుంచి వెల్లుల్లికి వంటింట్లో అద్భుతమైన స్థానం ఉంది. అయితే వెల్లుల్లిని ఉదయాన్నే పరగడపున తీసుకోవాలని మీకు తెలుసా ? నిజమే ఉదయాన్నే ఒక ముక్క వెల్లుల్లి తీసుకోవడం వల్ల లెక్కలేనన్ని హెల్త్ బెన్ఫిట్స్ పొందవచ్చట.

పచ్చి అల్లం తినడం వల్ల శరీరంలో జరిగే అద్భుత మార్పులు..

ఒక రెబ్బ వెల్లుల్లిలో 5 ఎమ్ జీ క్యాల్షియం, 12 ఎమ్ జీ పొటాషియం, 100 పైగా సల్ఫరిక్ ఉంటాయి. ఇన్ని గొప్ప గుణాలున్న వెల్లుల్లిని ఉదయాన్నే తీసుకోవడం వల్ల ఇన్ఫెక్షన్, బ్యాక్టీరియా నాశనం అవుతుంది. అందుకే వెల్లుల్లిని ఉదయాన్ని ఆస్వాదించాలని స్టడీస్ చెబుతున్నాయి. ఉదయాన్నే పరకడుపున వెల్లుల్లి తింటే శరీరంలో ఎలాంటి మార్పులు వస్తాయో ఇప్పుడు చూద్దాం..

ఇన్ఫెక్షన్స్

చాలా మంది ఇన్ఫెక్షన్స్ నివారించడానికి వెల్లుల్లి పేస్ట్ అప్లై చేస్తూ ఉంటారు. చేతులపై వచ్చే ఇన్ఫెక్షన్స్, మరే ఇన్ఫెక్షన్ నైనా నివారించడానికి వెల్లుల్లి చక్కటి పరిష్కారమని కొన్ని రకాల అధ్యయనాలు సూచిస్తున్నాయి. ఉదయాన్నే ఒక రెబ్బ వెల్లుల్లి తీసుకుంటే.. ఇన్ఫెక్షన్స్ దరిచేరవు.