చెప్పులు లేకుండా ఒట్టి పాదాలతో నడస్తే పొందే అద్భుతమైన ప్రయోజనాలు ..!!

బ్రెయిన్ బ్యాలెన్స్ చేస్తుంది:

ఫ్లోర్ కు పాదాలు ఎక్కువ అటాచ్ అవ్వడం వల్ల బ్రెయిన్ బ్యాలెన్స్ అవుతుంది. దాంతో నాడీవ్యవస్థ మరింత చురుకుగా పనిచేస్తుంది.

మన కదలికలు పాదాల్లోని కండరాలను స్థిరంగా ఉండేట్టు చేయడంలో కీలకంగా వ్యవహరిస్తాయి. అంతేకాదు పొత్తి కడుపులోని కండరాలపై కూడా వీటి ప్రభావం ఉంటుంది. కాళ్లలోని, పాదాల్లోని చిన్న, పెద్ద కండరాల మధ్య పరస్పర సంబంధం ఉంటుంది. వీటి గురించి న్యూరల్‌ కనెక్షన ద్వారా బ్రెయినకి సమాచారం చేరుతుంది. ఇవి దెబ్బతింటే గాయాలు బాగా తగిలే అవకాశం ఉంది.

కాళ్ళ కండరాలకు ఎక్కువ బలాన్ని ఇస్తుంది:

బేర్ ఫూట్ తో నేల మీద నడవడం వల్ల కండరాలు బలపడుతాయి. అంతేకాదు షూస్‌ వేసుకోవడం వల్ల కూడా పాదాల కండరాల మధ్య ఉండే సహజసిద్ధమైన లింకు దెబ్బతింటుంది. షూ కింద ఉండే బిగ్‌ సోల్‌ వల్ల పాదాల సహజసిద్ధమైన సమతులత దెబ్బతింటుంది. కండరాలు సరిగా పనిచేయకపోతే లిగ్మెంట్స్‌ మీద, ఎముకల మీద, టెన్డెన్స మీద ప్రభావం పడి గాయాల రిస్కు పెరుగుతుంది. పాదాలు, కాళ్లు , కండరాలు దృఢంగా పనిచేయాలంటే చెప్పుల్లేకుండా నడవాలి. ఇలా చేయడం వల్ల కండరాలు బలపడతాయి. వీటితోపాటు కండరాలు గట్టిపడడానికి రోజూ వ్యాయామం కూడా చేయాలి. కానీ చలికాలంలో మటుకు షూస్‌ లేకుండా ఉత్త కాళ్లతో నడవడం, పరిగెట్టడం రెండూ ఏమాత్రం మంచిది కాదు.

పిల్లలకు మంచి ఆరోగ్యాన్ని అందిస్తుంది:

పిల్లల్లో డయాబెటిస్ మరియు ఓబేసిటి రెండూ ప్రమాదకరమైనవే . ఇటువంటి సమస్యలు పిల్లల్లో పెరగకూడదనుకుంటే, పిల్లలను ఒట్టి పాదాలతో నేల మీద నడవమనడం, ఆటలాడుకోవడం , పరుగెత్తడం వంటివి చేయమనాలి.దాంతో పిల్లలోబ్రెయిన్ షార్ప్ గా ఉంటుంది.

పాదాలు ఆరోగ్యంగా ఉంటాయి:

చెప్పులు లేకుండా ఒట్టి పాదాలతో నడవడం వల్ల పాదాలు గ్రేట్ షేప్ లో ఉంటాయి. మరియు ఆర్ధ్రైటిస్ వంటి సమస్యలు కూడా తగ్గుతాయి.

రక్త ప్రసరణ పెరుగుతుంది:

చెప్పులు లేకుండా ఒట్టి పాదాలతో నడవడం వల్ల కాళ్ళల్లో పాదాల్లో రక్తప్రసరణ మెరుగ్గా ఉంటుంది. జాయింట్స్ లో నొప్పి, వాపులను తగ్గిస్తుంది. వెరీకోస్ వీన్స్ ను తగ్గిస్తుంది.

బ్లడ్ ప్రెజర్ తగ్గిస్తుంది:

బేర్ ఫూట్ తో ఫ్లోర్ మీద నడవడం వల్ల పాదాల క్రింది భాగంలో నాడులను క్రమబద్దం చేసి, బ్లడ్ ప్రెజర్ ను తగ్గిస్తుంది.

వాపులను తగ్గిస్తుంది:

ఫ్రీరాడికల్స్‌ అనే పదం వినే ఉంటారు. ఇవో రకం రసాయనాలు. సూర్యరశ్మిలో, ఎలక్ట్రానిక్స్‌ వస్తువుల్లో, సిగరెట్‌ పొగల ద్వారా మన చుట్టూ వ్యాపించి ఉంటాయి. ఓ రకంగా ఇవి మన జీవక్రియకీ(మెటబాలిజం) ఉపయోగపడతాయి. కానీ మోతాదు మించితే అనేక వ్యాధులూ, వాపులూ, నొప్పులకీ కారణమవుతాయి. ఫ్రీరాడికల్స్‌ అలా శ్రుతిమించకుండా చూసే శక్తి మట్టికి ఉందంటున్నారు . నిపుణులు. ముఖ్యంగా మట్టిపై నడక శరీరంలోని యాంటీ ఆక్సిడెంట్‌లని పెంచి ఫ్రీరాడికల్స్‌ని కట్టడి చేస్తుందని కాలిఫోర్నియా విశ్వవిద్యాలయానికి చెందిన ఓ పరిశోధన ఈ విషయాన్ని స్పష్టం చేసింది. దాంతో క్యాన్సర్, డయాబెటిస్, ఆస్త్మా, కార్డియో వాస్కులర్ మొదలగు సమస్యలను తగ్గించుకోవచ్చు.

శరీర భంగిమను మెరుగుపరుస్తుంది:

ఫ్యాషన్ గా షూలను ధరించడం వల్ల శరీరం భగిమకు మంచిది కాదుజ. బాడీ షేప్ లో మార్పులు కనిపిస్తాయి. ఇలాంటి షూలను వేసుకోవడం వల్ల బాడీ లోయర్ పార్ట్ మీ స్ట్రెస్ ఎక్కువ పడటం వల్ల బాడీ షేప్ పోతుంది కాబట్టి, బేర్ ఫూట్ తో నడవడం వల్ల బాడీ షేప్ ను మెరుగుపరుచుకోచ్చు.

నిద్రలేమి సమస్యలు :

నిద్రలేమి సమస్యకు మన శరీరంలో కార్టిసాల్‌ హార్మోనే కారణమంటారు నిపుణులు. ఇది అవసరానికంటే ఎక్కువగా.. అదీ రాత్రివేళల్లో ఎక్కువగా స్రవిస్తే కంటిపై కునుకు రాదు. అందుకే దీన్ని ‘ఒత్తిడి హార్మోన్‌' అనీ అంటుంటారు. ఒట్టి పాదాలతో నడవడం ఆ హార్మోన్‌ని నియంత్రిస్తుందని చెబుతున్నారు నిపుణులు. జర్నల్‌ ఆఫ్‌ ఆల్టర్నేటివ్‌ అండ్‌ కాంప్లిమెంటరీ మెడిసిన్‌లో ఇటీవల ప్రచురించిన ఓ పరిశోధన పేర్కొన్న అంశమిది.

ఆ ఇబ్బందుల్లేకుండా :

కొందరమ్మాయిల్లో బహిష్టుకి ముందు కడుపుబ్బరం, తలనొప్పీ, నీరసం వంటి సమస్యలుంటుంటాయి. దీన్నే ప్రీ మెనుస్ట్రువల్‌ సిండ్రోమ్‌(పీఎంఎస్‌) అంటారు. ఈ సమస్యకు నేలపై నడవడం చక్కని ఉపశమనమంటున్నారు నిపుణులు.

చివరిగా ఓ మాట.. :

ఒట్టి పాదాలతో నడవడమంటే.. మట్టి, ఇసుక, గడ్డిపైనా... పెయింటూ, ఇతర పైపూతలేమీ లేని ఇటుకలపైనా నడవడమే! టైల్సూ, సిమెంటు దిమ్మెలూ, కొయ్యతో ఏర్పాటుచేసిన నేలపై నడిస్తే పెద్ద ఫలితమేదీ ఉండదంటున్నారు నిపుణులు.