బాదం పిండి మిగిలిన అన్నిటికన్నా శ్రేయస్కరం ఎందుకని?

1. రక్తంలో చక్కర స్థాయిలను నియంత్రిస్తుంది

శుద్ధి చేసిన(రీఫైండ్) గోధుమపిండి, కార్బోహైడ్రేట్లలో అధికంగా ఉంటుంది. ఫైబర్ మరియు కొవ్వులలో తక్కువగా ఉంటుంది. చక్కెర స్థాయిలు మరియు కేలరీల సంఖ్య అధికంగా ఉన్న ఆహారాలను మీ ఆహారప్రణాళికలో చేర్చుకోవడం ద్వారా, రక్తoలో చక్కెర స్థాయిల పెరుగుదలకు కారణమవుతుంది. బాదంపిండి కార్బోహైడ్రేట్లలో మాత్రమే కాకుండా, ఆరోగ్యకరమైన కొవ్వులు మరియు ఫైబర్లో ఎక్కువగా ఉంటుంది. ఇది తక్కువ గ్లైసెమిక్-ఇండెక్స్ ఆహారంగా ఉంటుంది. అనగా, శరీరానికి శక్తిని అందించే క్రమంలో మీ రక్తప్రవాహంలోకి నెమ్మదిగా చక్కెరను విడుదల చేసే సామర్ధ్యాలను కలిగి ఉంటుంది.

2. గుండె ఆరోగ్యాన్ని ప్రోత్సహిస్తుంది

చెడు కొలెస్ట్రాల్ స్థాయిలను తగ్గిస్తూ, రక్తo గడ్డకట్టే ప్రమాదాన్ని తగ్గించడమే కాకుండా, రక్తపోటును తగ్గించడం ద్వారా మీ గుండెను ఆరోగ్యంగా ఉంచడంలో సహాయపడుతుంది. అమెరికన్ హార్ట్ అసోసియేషన్ ప్రకారం బాదంపిండిలో ఉండే అసంతృప్త కొవ్వు ఆమ్లాలతో కలిపి శరీరానికి కావలసిన అన్నిరకాల విటమిన్ మరియు ఖనిజాల అవసరాలను తీరుస్తుంది.

3. ఎముక ఆరోగ్యాన్ని ప్రోత్సహిస్తుంది

ఎముక ఆరోగ్యానికి దోహదపడే కాల్షియం, ఫాస్పరస్, మెగ్నీషియం, పొటాషియం వంటి ఎన్నో ఖనిజాలు బాదంపిండిలో ఉంటాయి. దీనిని పాలతో పోల్చినప్పుడు పోషకాహారంలో రెట్టింపుగా ఉంటుంది. కావున, పాలఉత్పత్తులను ఇష్టపడని వారికి బాదంపిండి ప్రత్యామ్నాయంగా ఉంటుంది. క్రమంగా ఎముకల ఆరోగ్యానికి అవసరమయ్యే, కాల్షియం మరియు ఇతర ఖనిజాలను సరైన రీతిలో పొందవచ్చు.

Most Read: భార్య ప్రెగ్నెన్సీతో పుట్టింటికి వెళ్లడంతో ఆమెతో సంబంధం పెట్టుకున్నా, ఇప్పుడు భయమవుతోంది

4. కండరాలను నిర్మించడంలో సహాయపడుతుంది

బాదంపిండి, ప్రోటీన్ యొక్క మంచి మొతాదులను కలిగి ఉన్నందున, ఇది కండరాల ద్రవ్యరాశిని నిర్మించడంలో సహాయపడుతుంది. ప్రోటీన్ మీ శరీరకండరాల నిర్మాణంలో ప్రధానపాత్ర పోషిస్తుంది. మీరు వ్యాయామం లేదా అధిక శ్రమ చేస్తున్నప్పుడు, మీ శరీరానికి సరైన మోతాదులో ప్రోటీన్ నిక్షేపాలను ఇచ్చేలా ప్రణాళికలు చేసుకోవలసి ఉంటుంది. వ్యాయామం చేసేవారు ఎక్కువగా whey పౌడర్ వినియోగిస్తుంటారు. దానికి బదులుగా ఈ బాదంపిండిని వినియోగించడం మూలంగా అద్భుతమైన ప్రయోజనాలను పొందగలరని సూచించబడింది.

5. చర్మం మరియు జుట్టును ఆరోగ్యంగా ఉంచుతుంది

చర్మం మరియు జుట్టుకు మంచి ఆరోగ్యం అందివ్వడంలో విటమిన్-E ఎలా దోహదం చేస్తుందో మనందరికీ తెలుసు. వృద్దాప్య చాయల నుండి చర్మాన్ని కాపాడడంలో మరియు నునుపైన శిరోజాలను ఇవ్వడంలో ఎంతగానో సహాయం చేస్తుంది. ఇది ప్రతిక్షకారిణి వలె పనిచేస్తుంది. బాదంపిండిని తీసుకోవడం మూలంగా చర్మాన్ని నాశనంచేసే స్వేచ్ఛారాశులు( ఫ్రీ-రాడికల్స్) గా పోరాడడంలో సహాయపడుతుంది. మరియు మీ జుట్టును, చర్మాన్నిఆరోగ్యకర రీతిలో మృదువుగా, మెరిసేలా ఉంచడంలో సహాయం చేస్తుంది.

6. బరువు కోల్పోవడంలో అత్యుత్తమంగా పనిచేస్తుంది.

బాదంపిండి ఆరోగ్యకరమైన కొవ్వులు, మాంసకృత్తులు, ఫైబర్ వంటి నిక్షేపాలలో అధికంగా ఉండడంతో పాటు, గ్లూటెన్ రహిత ఆహార పదార్ధంగా ఉంటూ, కార్బోహైడ్రేట్లలో తక్కువగా ఉంటుంది. క్రమంగా ఇది బరువును తగ్గించడంలో అత్యుత్తమంగా పనిచేస్తుంది కూడా. ఊబకాయం, అధిక బరువు సమస్యలతో బాధపడుతున్న వారికి సరైన ఎంపికగా ఉంటుంది. ఈ బాదం పిండిలో ఉన్న ఫైబర్ నిల్వలు, అవాంఛిత ఆహార కోరికలను నిరోధించడం ద్వారా, ఊబకాయం తగ్గించడంలో ప్రధానపాత్ర పోషించగలదు.

Most Read: ఏ సమయంలో సెక్స్ చేస్తే నా భార్య బాగా సంతృప్తి చెందుతుంది? ఆ టైమ్ లో మూడ్ బాగుంటుందా?

7. పెద్దప్రేగు క్యాన్సర్ నిరోధిస్తుంది

కాలిఫోర్నియా విశ్వవిద్యాలయం, పరిశోధకుల నివేదికల ప్రకారం. బాదం, పెద్దప్రేగు కాన్సర్ సమస్యలను సైతం తగ్గించగలవు. పెద్దప్రేగు మరియు పురీషనాళం లైనింగ్లో అసాధారణంగా అనారోగ్యకర ట్యూబ్స్ ఏర్పడుతాయి. ఇవి కణుతుల సమూహాలుగా ఉంటాయి, క్రమంగా పెద్దప్రేగు కాన్సర్ వంటి వ్యాధులకు దారితీస్తుంది. ఫైబర్ నిక్షేపాలు అధికంగా ఉన్న బాదం పిండి వినియోగం, జీవక్రియలను జీర్ణక్రియలను సజావుగా సాగడంలో సహాయం చేయడం ద్వారా, పెద్దప్రేగు కాన్సర్ ప్రమాదాన్ని తగ్గిస్తుంది.

ఈ పెద్ద కాన్సర్ సమస్య, ఏదైనా కడుపు సంబంధిత అసాధారణ ఆరోగ్య సమస్యల కారణంగా కొలొనోస్కోపీ (పురీషనాళం గుండా ట్యూబ్ పంపించి చేసే పరీక్ష) వంటి పరీక్షలను వైద్యులు సూచించినప్పుడు మాత్రమే బయటపడుతుంటాయి. మరియు ఈపరీక్ష సమయంలో, పెద్దపేగులో అడ్డంగా ఉన్న కణుతులను, ఎరిత్మా మరియు వ్యర్ధాలనుసైతం తొలగించడం జరుగుతుంది. క్రమంగా పెద్దపేగు కాన్సర్ లేని వాళ్లకు, భవిష్యత్తులో వచ్చే అవకాశాలను సైతం తగ్గించవచ్చు.

8. శక్తిస్థాయిలను మెరుగుపరుస్తుంది

బాదం పిండిలో రిబోఫ్లావిన్(బి2-విటమిన్), మాంగనీస్ మరియు రాగినిల్వలు కారణంగా శరీరానికి అవసరమైన శక్తిని ఉత్పత్తి చేయడంలో మాత్రమే కాకుండా, ఎర్రరక్తకణాల సృష్టి, పెరుగుదల, అభివృద్ధి మరియు సెల్యులార్ ఫంక్షన్లో ప్రధానపాత్ర పోషిస్తుంది. అదనంగా, వివిధ సూక్ష్మపోషకాల ఉనికి కారణంగా శరీరానికి అద్భుతమైన శక్తిని అందివ్వడంలో కీలకపాత్ర పోషిస్తుంది.

బేకింగ్ మరియు వంటలో బాదం పిండిని ఎలా ఉపయోగించాలి ?

అనేకరకాల బేకింగ్ వంటకాల్లో, బాదం పిండిని, రీఫైండ్ గోధుమ పిండికి బదులుగా వినియోగించవచ్చు. చేప, చికెన్ మరియు కూరగాయలను వండే క్రమంలో బ్రెడ్క్రంబ్స్ బదులుగా బాదం పిండిని ఉపయోగించవచ్చు.

Most Read: సంభోగం ముందు & తర్వాత పాటించవలసిన 12 ఆరోగ్య నియమాలు