రోజుకి ఎన్ని నట్స్ తినాలి ? ఏ డ్రై ఫ్రూట్స్ ఎన్ని తినాలి ?

10 గ్రాములు

అధ్యయనాల ప్రకారం రోజుకి 10 గ్రాముల నట్స్ ని ప్రతిరోజూ తీసుకోవడం వల్ల అనేక వ్యాధులను అడ్డుకోవచ్చు.

వాల్ నట్స్

వాల్ నట్స్ పైన ఉండే బొప్పి తీయగానే.. ఉండే స్కిన్ ఫ్లేవర్ అంత టేస్టీగా ఉండదు. కానీ.. 90 శాతం యాంటీ ఆక్సిడెంట్స్, ఫెనోలిక్ యాసిడ్స్, టాన్నిన్స్, ఫ్లేవనాయిడ్స్ ఈ స్కిన్ లోనే ఉంటాయట. గుండె సంబంధిత వ్యాధుల నుంచి రక్షించడంలో ఇవి చాలా ఎఫెక్టివ్ గా పనిచేస్తాయని అధ్యయనాలు చెబుతున్నాయి. వీటిని 10 గ్రాములు తినవచ్చు. అంటే రోజుకి 5 వాల్ నట్స్ తింటే సరిపోతుంది.

వేరుశనగలు

వేరుశనగలను చాలా మంది వంటకాల్లో ఉపయోగిస్తూ ఉంటారు. అలాగే వీటిని ప్రతిరోజూ తినడం వల్ల అనేక వ్యాధులు దూరమవుతాయి. వీటిని కూడా రోజుకి 10 గ్రాములు అంటే.. 12 వేరుశనగలు తినవచ్చు.

బాదాం

బాదాంపప్పులో మోనో శ్యాచురేటెడ్ యాసిడ్స్ ఎక్కువగా ఉంటాయి. ఇవి హార్ట్ కి, బ్రెయిన్ కి , స్కిన్ కి మంచిది. అలాగే విటమిన్ ఈ, మెగ్నీషియం, పొటాషియం ఉంటాయి. ఇవి బ్లడ్ ప్రెజర్ నార్మల్ గా ఉండటానికి సహాయపడతాయి. రక్త ప్రసరణకు మంచిది. వీటిని కూడా రోజుకి 10 గ్రాములు తినవచ్చు. అంటే. 8 నుంచి 9 బాదాం గింజలు తినాలి.

జీడిపప్పు

జీడిపప్పు రెగ్యులర్ గా తినడం వల్ల పిత్తాశయంలో రాళ్లు ఏర్పడకుండా నివారించవచ్చని అధ్యయనాలు సూచిస్తున్నాయి. కాబట్టి వీటిని కూడా రోజుకి 10 గ్రాములు చొప్పున తీసుకోవచ్చు. 10 గ్రాములు అంటే.. 6 జీడిపప్పు గింజలు తీసుకోవాలి. వారానికి 28 జీడిపప్పులు తింటే మంచిది.

ప్రతిరోజూ

ప్రతిరోజూ ఎవరైతే 10 గ్రాముల నట్స్ తింటారో వాళ్లలో 23 శాతం వ్యాధులు వచ్చే రిస్క్ తగ్గుతుంది. 21 శాతం క్యాన్సర్ రిస్క్ తగ్గుతుంది. 47 శాతం నరాలకు సంబంధించిన వ్యాధుల రిస్క్ తగ్గుతుంది. 30శాతం డయాబెటిస్ రిస్క్, 17శాతం గుండె వ్యాధుల రిస్క్ తగ్గుతుంది.

డైట్

ప్రతిరోజూ ఏదో ఒక సమయంలో డైట్ లో నట్స్ ని చేర్చుకోవాలి. ఒకవేళ ఉదయం తినడం వీలు కాలేదు అంటే.. సాయంత్రం స్నాక్స్ రూపంలో తీసుకోవచ్చు. లేదా సలాడ్స్, స్మూతీలలో మిక్స్ చేసి తీసుకోవచ్చు.